హిజ్రాతో భర్త ప్రేమాయణం.. విషయం తెలిసిన భార్య ఏం చేసిందంటే..!

Odisha: పెళ్లైన ఓ వ్యక్తి హిజ్రాతో ప్రేమలో పడ్డాడు. ఈ విషయం భార్యకు తెలిసింది. అయితే ఆమె అందరిలా అరిచి గోల చేయలేదు. ఆమెతో మాట్లాడి భర్త పెళ్లి చేసింది. ఈ సంఘటన ఒడిషాలో చోటు చేసుకుంది. డోర్‌కుట్‌ గ్రామానికి చెందిన ఫకీర్‌ నియాల్‌ అనే వ్యక్తికి ఐదేళ్ల క్రితం వివాహం అయ్యింది. వారికి ఓ కుమారుడు కూడా ఉన్నాడు. ఇన్నేళ్లు సంతోషంగా సాగిన వీరి కాపురంలో ఓ హిజ్రా రాకతో కల్లోలం రేగింది.

ఏడాది క్రితం ఫకీర్‌ నియాల్‌కు అదే గ్రామానికి చెందని హిజ్రా సంగీతతో పరిచయం ఏర్పడింది. అది కాస్త ప్రేమగా మారింది. సంగీతను వదిలి ఉండలేని స్థితికి వచ్చాడు ఫకీర్‌. విషయం తెలుసుకున్న భార్య ఆ హిజ్రాతో మాట్లాడి తన భర్తతో ఆదివారం సంప్రదాయబద్ధంగా గ్రామంలోని ఆలయంలో పెళ్లి చేయించింది. తాను ఫకీరును ప్రేమించానని, ఆయన భార్య కొత్త జీవితం ప్రసాదించిందని, ఇప్పుడు నా కోసం ఒక కుటుంబం ఉందనే ఆనందం వ్యక్తం చేసింది.