Noida Twin Towers: కుప్పకూలిన నోయిడా ట్విన్‌ టవర్స్‌

Noida Twin Towers: నిబంధ‌న‌ల‌కు విరుద్ధంగా నిర్మించిన నోయిడాలోని ట్విన్ ట‌వ‌ర్స్‌ను ఈ మ‌ధ్యాహ్నం 2.30 గంట‌ల‌కు కూల్చివేశారు. పోలీసుల నుంచి క్లియరెన్స్‌ రాగానే.. మీట నొక్కి పేలుళ్లు జరిపారు. మీట నొక్కేచోట ముగ్గురు విదేశీ నిపుణులు, పేల్చివేతల కంపెనీకి చెందిన చేతన్‌ దత్తా, ఓ పోలీసు అధికారి, ఎడిఫిస్‌ ఇంజినీరింగ్‌ ప్రాజెక్టు మేనేజర్‌ మయూర్‌ మెహతా ఉన్నారు. ఒక్క బటన్‌ నొక్కడంతో 100 మీటర్లకు పైగా పొడవైన ఆ భవనాలు కేవలం 9 సెకండ్లలోనే పేకమేడల్లా కుప్పకూలాయి.. ఈ టవర్స్‌ను కూల్చేందుకు 3,700 కిలోల పేలుడు పదార్థాలను అమర్చారు.