No Community Transmission in India: దేశంలో ఇంకా కమ్యూనిటీ ట్రాన్స్మిషన్ లేదు : కేంద్ర ఆరోగ్య శాఖ మంత్రి

No Community Transmission in India: భారతదేశం లో ఇంకా కమ్యూనిటీ ట్రాన్స్మిషన్ లేదని కేంద్ర ఆరోగ్య మంత్రి హర్ష్ వర్ధన్ అన్నారు. కోవిడ్ -19 కేసుల్లో 90% ఎనిమిది రాష్ట్రాల్లో నమోదయ్యాయని ఆయన అన్నారు. మహారాష్ట్ర, తమిళనాడు, కర్ణాటక, ఢిల్లీ, తెలంగాణ, యుపి, ఆంధ్రప్రదేశ్ కేసులతో మొత్తం కేసులు 7,67,296 కు చేరుకున్నాయని అన్నారు. ప్రస్తుతం దేశంలో కరోనా అదుపులోనే ఉందని ఆయన స్పష్టం చేశారు. ఎవరూ కూడా ఈ మహమ్మారి విషయంలో నిర్లక్షంగా ఉండొద్దని సూచించారు. లక్షణాలు కనిపిస్తే వెంటనే కరోనా పరీక్షలు చేయించుకోవాలని అన్నారు. ముంబైలో కరోనా కేసులు ఎక్కువగా ఉన్నాయని ఇదివరకే అన్న సంగతి తెలిసిందే. దేశ ఆర్థిక రాజధాని ముంబైలో కరోనావైరస్ మరణాల సంఖ్య 62 కొత్త మరణాలతో 5,000 మార్కును దాటిందని బృహన్ ముంబై మునిసిపల్ కార్పొరేషన్ (బిఎంసి) తెలిపింది.

ఇక్కడ మరణాల సంఖ్య 5,061 కు చేరుకోగా, కరోనావైరస్ కేసుల సంఖ్య 87,513 కు పెరిగింది, మంగళవారం సాయంత్రం నుండి కొత్తగా 1,381 మందికి కరోనా నిర్ధారణ అయింది. అలాగే కొత్తగా 1,101 మంది ఆసుపత్రుల నుంచి డిశ్చార్జ్ అయ్యారని దాంతో కోలుకున్న కోవిడ్ -19 రోగుల సంఖ్య 59,238 కు పెరిగిందని బిఎంసి తెలిపింది. నగరంలో ఇప్పుడు 23,214 క్రియాశీల కేసులు ఉన్నాయి. రికవరీ రేటు 68 శాతానికి పెరిగింది, జూలై 1 మరియు 7 మధ్య మొత్తం COVID-19 కేసుల వృద్ధి రేటు 1.52 శాతానికి మెరుగుపడింది. కేసుల సగటు రెట్టింపు రేటు 45 రోజులు అని బిఎంసికి సమాచారం ఉంది. ఇక ఇక్కడ లక్షణాలతో బాధపడుతున్న రోగులు డాక్టర్ ప్రిస్క్రిప్షన్ లేకుండా COVID-19 పరీక్షలు చేయించుకోవచ్చని. ఇప్పటివరకు 3.64 లక్షలకు పైగా పరీక్షలు నిర్వహించినట్లు బీఎంసీ పేర్కొంది.