డీకే శివకుమార్ ఆసక్తికర వ్యాఖ్యలు: "సీఎం కావాలని ఆశపడటంలో తప్పులేదు"

కర్ణాటకలో ముఖ్యమంత్రి మార్పు (Karnataka CM Change) అంశం మరోసారి రాజకీ యజ్ఞంగా మారింది. ప్రస్తుతం డిప్యూటీ సీఎం బాధ్యతల్లో ఉన్న డీకే శివకుమార్ (DK Shivakumar) తాజాగా చేసిన వ్యాఖ్యలు మరోసారి చర్చనీయాంశమయ్యాయి.

“సీఎం కావాలని ఆశపడటంలో తప్పులేదు. ప్రజలు, కార్యకర్తలు, మఠాధిపతులు కలకాలం మద్దతు ఇస్తున్నారు. వారి ఆకాంక్షలను గౌరవిస్తా. కానీ పార్టీ నిర్ణయమే నా నిర్ణయం,” అని డీకే స్పష్టం చేశారు.

🔸 రంభపురి పీఠంలో డీకే స్పష్టత

రంభపురి పీఠాధిపతి రాజదేశికేంద్ర శివచార్య స్వామి సమక్షంలో జరిగిన కార్యక్రమంలో డీకే పాల్గొన్నారు. ఈ సందర్భంగా పీఠాధిపతి మాట్లాడుతూ –

“2023 ఎన్నికల్లో కాంగ్రెస్ విజయంలో డీకే శివకుమార్ కీలక పాత్ర పోషించారు. ఆయన్ను ముఖ్యమంత్రిగా చూడాలని ప్రజల ఆకాంక్ష” అన్నారు.

అనంతరం డీకే మాట్లాడుతూ –

“కాంగ్రెస్ పార్టీని మేం కలిసికట్టుగా నిర్మించాం. మేం పార్టీకి కట్టుబడి ఉన్న సైనికులం. నాయకత్వం నిర్ణయిస్తే ఏమైనా చేస్తాం” అని హుందాగా స్పందించారు.

అసమ్మతి వ్యాఖ్యలపై హెచ్చరిక

పార్టీ కార్యకర్తలు, ప్రతిపక్షాలు, మీడియా ఇలా ఎవరూ అనవసరంగా సీఎం మార్పు విషయాన్ని రేపకూడదని డీకే హితవు పలికారు. ప్రజలు తమపై పెట్టిన నమ్మకాన్ని నిలబెట్టుకుంటామని, అవకాశాన్ని సమర్థవంతంగా ఉపయోగించుకుంటామని చెప్పారు.

🔸 సిద్ధరామయ్య – డీకే మధ్య శాంతియుత సహజీవనం?

ఇటీవల ముఖ్యమంత్రి సిద్ధరామయ్య కూడా స్పందిస్తూ –

“ఐదేళ్లపాటు తానే సీఎంగా కొనసాగతానని” స్పష్టం చేశారు. అయితే అధికారంలోకి వచ్చిన నాటినుంచి రెండున్నరేళ్ల తర్వాత సీఎంషిప్ మారుతుందన్న ప్రచారం కొనసాగుతున్న విషయం తెలిసిందే.

కాంగ్రెస్ ఎమ్మెల్యేలు, నేతలు కూడా ఈ అంశంపై బహిరంగంగా మాట్లాడటం రాజకీయం వేడెక్కిస్తోంది. అయితే సిద్ధరామయ్యను గద్దె దించితే పార్టీ చీలిపోతుందన్న హైకమాండ్ ఆందోళన కూడా ఉండటంతో విషయాన్ని జాగ్రత్తగా తీసుకుంటున్నారు.