విషాదం: రోడ్డు ప్రమాదంలో మిస్ కేరళ విన్నర్, రన్నరప్ దుర్మరణం..

Miss Kerala 2019: కేరళలో రోడ్డు ప్రమాదం జరిగింది. ఈ ప్రమాదంలో మాజీ మిస్ కేరళ అన్సీ కబీర్, రన్నరప్ అంజనా షాజన్ మృతి చెందారు. అన్సీ, అంజనా మరో ఇద్దరు స్నేహితులతో కలిసి కారులో వెళ్తుండగా ఎర్నాకుళం బైపాస్‌లో బైక్‌ని తప్పించబోయి కారు బోల్తా పడింది. ఈ ప్రమాదంలో అన్సీ, అంజనా అక్కడికక్కడే మృతి చెందగా మరో ఇద్దరు స్నేహితులకు తీవ్ర గాయాలయ్యాయి. క్షతగాత్రులను ఆసుపత్రికి తరలించారు. మిస్ కేరళ 2019 కాంపిటీషన్ నుంచి అన్సీ, అంజనా క్లోజ్ ఫ్రెండ్స్‌గా మారారు. ఈ ప్రమాదంలో ఇద్దరూ మృతి చెందడం కేరళలో తీవ్ర విషాదాన్ని నింపింది.