Kedarnath: తెరుచుకున్న కేదార్‌నాథ్ ఆలయ తలుపులు

Kedarnath: ఉత్తరాఖండ్‌లో ఉన్న ద్వాదశ జ్యోతిర్లింగాలలో ఒకటైన కేదారీశ్వరుడి ఆలయ తలుపులు ఈ ఉదయం తెరవబడ్డాయి. ఆచారాలు, వేద మంత్రోచ్ఛారణల నడుమ యాత్రికుల కోసం తలుపులు తెరిచారు.. గుడి తలుపులు తెరిచిన అనంతరం శివయ్యకు తొలి పూజలు ఘనంగా నిర్వహించారు. ఈ సందర్భంగా డోలు, డప్పుల మోతతో శివ భక్తులు భక్తిపారవశ్యంలో మునిగి తేలారు. ఆలయ దర్శనం పునః ప్రారంభం సందర్భంగా కేదార్‌నాథ్‌ క్షేత్రాన్ని 20 క్వింటాళ్ల పూలతో అలంకరించారు..ఆలయ ప్రాంతం భక్తుల శివనామస్మరణతో మారుమోగిపోయింది.