Indian Army to Ban 89 Apps: 89 యాప్ లపై భారత సైన్యం నిషేధం.. జాబితాలో ఫేస్ బుక్ కూడా!

Indian Army to Ban 89 Apps: ఈనెల 15 నుంచి 89 యాప్ లను వినియోగించకూడదని భారత సైన్యం నిర్ణయం తీసుకుంది. ఇందులో ఫేస్ బుక్ కూడా ఉంది. 1.3 మిలియన్ల భారతీయ సైన్యం జూలై 15 లోగా ఫేస్‌బుక్, ఇన్‌స్టాగ్రామ్‌తో సహా 89 యాప్‌లను తమ మొబైల్ ఫోన్ల నుంచి తొలగించాలని భారత సైన్యం సిబ్బందిని ఆదేశించింది. సున్నితమైన సమాచారం లీకేజీని నివారించడానికి, అలాగే భద్రతాపరమైన కారణాల వల్ల ఈ ఉత్తర్వులు జారీ చేయబడినట్లు ఆర్మీ వర్గాలు గురువారం తెలిపాయి. ఈ యాప్స్‌లో ఇటీవల ప్రభుత్వం నిషేధించిన 59 చైనీస్ యాప్స్ కూడా ఉన్నాయి.

సైన్యం గతంలో ఫేస్‌బుక్ వాడకంపై అనేక ఆదేశాలు జారీ చేసింది.. మరోవైపు అధికారిక పనుల కోసం వాట్సాప్ వాడకాన్ని పరిమితం చేయాలని సిబ్బందిని కోరినప్పటికీ, ప్రస్తుత మెసేజింగ్, కంటెంట్ షేరింగ్, వెబ్ బ్రౌజర్‌ల వంటి డొమైన్‌లలోని అనేక రకాల అనువర్తనాలను కవర్ చేస్తుంది. తాజాగా నిషేధించిన వాటిలో వీడియో హోస్టింగ్, గేమింగ్, ఇ-కామర్స్, డేటింగ్, యాంటీ వైరస్, వార్తలు మరికొన్ని ఉన్నాయి. సోషల్ మీడియా ప్లాట్‌ఫామ్‌లపై హనీట్రాప్, భద్రతా ఉల్లంఘన నేపథ్యంలో సైన్యం ఈ నిర్ణయం తీసుకుంది. ఆదేశాలను ఉల్లంఘించే వారిపై కఠిన చర్యలు తీసుకుంటామని సైన్యం హెచ్చరించింది.

కాగా ఆర్మీ నిషేధంపై స్పందిస్తూ, ట్రూకాలర్ ఒక ప్రకటనలో ఇలా అభిప్రాయపడింది. తమ సిబ్బంది కోసం భారత సాయుధ దళాలు నిషేధించిన 89 యాప్‌ల జాబితాలో ట్రూకాలర్ ఉందని తెలుసుకోవడం నిరాశ మరియు విచారకరం అని దీనిని జాబితాలో చేర్చడం అన్యాయం" అని పేర్కొంది.