![Election rush that started in West Bengal and Mamata filed nomination for Bhawanipur Constituency today 10 09 2021 Election rush that started in West Bengal and Mamata filed nomination for Bhawanipur Constituency today 10 09 2021](https://assets.hmtvlive.com/h-upload/2021/09/10/323407-west-bengal-elections.webp)
మమతా బెనర్జీ - ప్రియాంక
West Bengal: ఉప ఎన్నికలకు భవానీపూర్ నుంచి రంగంలోకి మమతాబెనర్జీ * నామినేషన్ దాఖలు చేసిన దీదీ
West Bengal: పశ్చిమబెంగాల్ ఉప ఎన్నికల్లో రసవత్తర పోరుకు తెరలేచింది. భవానీపూర్ ఉప ఎన్నికల్లో టీఎంసీ అధినేత, సీఎం మమతా బెనర్జీ పై బీజేపీ తన అభ్యర్థిని ఖరారు చేసింది. మరోవైపు ఇవాళ భవానీపూర్ అసెంబ్లీ స్థానానికి దీదీ నామినేషన్ దాఖలు చేశారు ముఖ్య అనుచరులు, పార్టీ కార్యకర్తలతో కలిసి వెళ్లి రిటర్నింగ్ అధికారికి నామినేషన్ పత్రాలు సమర్పించారు భవానీపూర్ అసెంబ్లీ స్థానానికి ఈనెల 30న పోలింగ్ జరుగనుంది. అక్టోబర్ 3న ఫలితాలు వెల్లడించనున్నారు.
మరోవైపు భవానీపూర్ ఉపఎన్నిక పోరులో బీజేపీ న్యాయవాది ప్రియాంక టిబ్రేవాల్ను బరిలోకి దింపింది. ప్రియాంక టిబ్రేవాల్ ప్రస్తుతం బెంగాల్ బీజేవైఎం ఉపాధ్యక్షురాలిగా పనిచేస్తున్నారు. న్యాయశాస్త్రంలో పట్టాపొందిన ఆమెను దీదీకి పోటీగా దింపింది బీజేపీ.ఈ ఏడాది ప్రారంభంలో పశ్చిమబెంగాల్ అసెంబ్లీకి ఎన్నికలు జరిగాయి. ఆ ఎన్నికల సందర్భంగా తృణమూల్ నుంచి బీజేపీలోకి వెళ్లి బరిలోకి దిగిన సువేందు అధికారిని ఓడించడమే లక్ష్యంగా దీదీ నందిగ్రామ్ నుంచి పోటీ చేశారు అయితే ఆ ఎన్నికల్లో దీదీ కేవలం 19 వందల ఓట్ల తేడాతో ఓడిపోయింది. అయితే తృణమూల్ కాంగ్రెస్ మాత్రం మెజారిటీ స్థానాలు సాధించి వరుసగా మూడోసారి అధికారాన్ని చేజిక్కించుకుంది.
![](/images/logo.png)
About
![footer-logo](/images/logo.png)
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire