పాముల పంతం.. చేపకు పునర్జన్మ..

ఆకలితో ఉన్న రెండు పాములు భోజనంకోసం వెతుకుతుండగా.. ఒక క్యాట్ ఫిష్ దొరికింది. దాంతో పండగ చేసుకుందామని అనుకున్నాయి. అయితే వాటి పంతం వలన ఆ చేప తన ప్రాణాలను నిలబెట్టుకుంది. దీంతో ఆ చేప ఎవరికీ ఆహరం కాకుండా నీటిలోకి వెళ్లిపోయింది. మధ్యప్రదేశ్ రాష్ట్రంలోని కన్హా నేషనల్ పార్క్ వద్ద ఈ ఘటన వెలుగులోకి వచ్చింది. అక్కడ ఓ నీటి కుంటలో చేపలు ఉన్నాయి, అయితే ఆకలి మీద ఉన్న రెండు పాముల్లో ఒక పాము ముందుగా నీటిలో ఉన్న ఓ చేప తలను పట్టుకుంది. ఈ క్రమంలో రెండో పాము కూడా కిందనుంచి వచ్చి చేప తోక పట్టుకుంది. దీంతో రెండు కూడా చేప నాకంటే నాకనే విందంగా విడవకుండా ఉన్నాయి.

దాదాపు 30 నిమిషాల పాటు రెండు పాములు పట్టుదలగా అలాగే ఉండిపోయాయి.. ఈ దృశ్యాన్ని పర్యావరణ ప్రేమికుడు ఘన్‌శ్యామ్‌ ప్రసాద్‌ భన్‌వారే వీడియో తీశాడు. అయితే దాదాపు 30 నిమిషాల తర్వాత విసుగు చెందిన ఓ పాము చేప తోకను వదిలి వెళ్లిపోయింది. ఆ తర్వాత పైనున్న పాముకూడా నువ్వు వేసే బిక్ష నాకెందుకు అన్నట్టుగా ఆ చేపను పైకి లాగకుండా అలాగే నీళ్లలోకి వదిలేసింది. దీంతో ఆ చేప ఇదే సమయం అనుకోని వెంటనే బతుకుజీవుడా అంటూ నీటిలోకి జారుకుంది. దేంతో ఆ చేప ఎవరికీ దొర్లకుండా పోయింది. దీనికి కారణం వాటి పంతం.. పాముల పంతం వలన ఆ చేపకు పునర్జన్మ లభించింది.