15 రోజులు నారప్ప నాన్ స్టాప్ షూటింగ్ !

గత ఏడాది తన మేనల్లుడు అక్కినేని నాగచైతన్యతో కలిసి వెంకీమామగా అలరించాడు సీనియర్ హీరో వెంకటేష్. ప్రస్తుతం నారప్ప సినిమాతో బిజీగా ఉన్నాడు. తమిళ్ లో ధనుష్ , మంజు వారియర్ కలిసి నటించిన అసురన్ సినిమాకి ఇది రీమేక్. ఈ సినిమా తమిళ్ లో మంచి హిట్ అవడం, సీనియర్ హీరో వెంకటేష్ దీనిని రీమేక్ చేస్తుండడంతో సినిమా పైన మంచి అంచనాలు ఏర్పడ్డాయి.

ప్రతీకార కథాంశంతో రూపుదిద్దుకుంటున్న‌ ఈ చిత్రంలో మధ్యవయస్కుడైన వ్యక్తిగా వెంకటేష్‌ నటిస్తున్నాడు. శ్రీకాంత్ అడ్డాల డైరెక్షన్ లో తెరకెక్కనున్న ఈ సినిమాని సురేష్ ప్రొడక్షన్స్, వి క్రియేషన్స్ నిర్మాతలు అయిన సురేష్ బాబు, కళైపులి ఎస్ థాను కలిసి సంయుక్తంగా నిమిస్తున్నారు. ఈ సినిమాలో వెంకటేష్ సరసన ప్రియమణి హీరోయిన్ గా నటిస్తోంది.

అయితే కరోనా వలన వాయిదా పడిన ఈ సినిమా షూటింగ్ తాజాగా వికారాబాద్ అడవుల్లో మొదలు పెట్టింది. 15 రోజుల పాటుగా ఈ షెడ్యుల్ ఏకధాటిగా కొనసాగనుంది. ఈ షెడ్యుల్ లో వెంకటేష్ తో పలు కీలకమైన సన్నివేశాలను తెరకెక్కిస్తున్నారు. అంతేకాకుండా యాక్షన్ సీన్స్ ని కూడా ఇక్కడే తెరక్కిస్తున్నారు. ఈ ఏడాది చివరికల్లా సినిమా చిత్రీకరణ పూర్తి చేసుకొని, వచ్చే ఏడాది సమ్మర్ లో సినిమాని రిలీజ్ చేసేందుకు మేకర్స్ ప్లాన్ చేస్తున్నారు.

ఇక ఈ సినిమా తర్వాత వెంకటేష్ అనిల్ రావిపూడి దర్శకత్వంలో ఎఫ్ 2 కి సీక్వెల్ చేయనున్నారు. ఇందులో వెంకటేష్ తో పాటు వరుణ్ తేజ్ కూడా నటిస్తున్నాడు. ఎఫ్2 సినిమాని నిర్మించిన శ్రీ వెంకటేశ్వర క్రియేషన్స్ ఈ సినిమాని నిర్మిస్తుంది.