'భీమ్లానాయక్'​తో పోటీ నుంచి తప్పుకొన్న వరుణ్​తేజ్ 'గని'

Ghani Movie: మెగాప్రిన్స్ ​వరుణ్ తేజ్ నటించిన 'గని' చిత్రం మరోసారి వాయిదా పడింది. పవర్​స్టార్ ​పవన్ ​కల్యాణ్​ నటించిన భీమ్లా నాయక్'​తో పోటీ నుంచి తప్పుకొంది. ఫిబ్రవరి 25 లేదా మార్చి 4న సినిమాను విడుదల చేస్తామని గతంలో ప్రకటించిన 'గని' చిత్రబృందం ఫిబ్రవరి 25కే ఫిక్స్​అయ్యింది.

అయితే అదే తేదీన 'భీమ్లానాయక్​' రిలీజ్​ఉండటం వల్ల బాబాయి-అబ్బాయి మధ్య పోటీ తప్పదని విశ్లేషకులు భావించారు. త్వరలోనే కొత్త విడుదల తేదీని ప్రకటిస్తామని 'గని' మేకర్స్​ తెలిపారు. ఈ సినిమాలో సయీ మంజ్రేకర్‌ కథానాయిక. కిరణ్‌ కొర్రపాటి దర్శకత్వం వహించారు. అల్లు బాబీ, సిద్ధు ముద్ద సంయుక్తంగా నిర్మించారు.