UV Creations Vamsi: "మా ఆఫీస్ లో ఇంటర్నెట్ కనెక్షన్ కొంచెం వీక్" అందుకే అప్డేట్లు ఆలస్యం

Radhe Shyam Pre Release Event: గురువారం రామోజీ ఫిల్మ్ సిటీలో జరిగిన "రాధేశ్యామ్" సినిమా ప్రీ-రిలీజ్ ఈవెంట్‌ అట్టహాసంగా జరిగింది. "రాధేశ్యామ్" ప్రీ రిలీజ్ ఈవెంట్ లో నవీన్ పోలిశెట్టితో పాటు రష్మి గౌతమ్ హోస్టింగ్ చేశారు. ప్రీ రిలీజ్ ఈవెంట్ లో విడుదల చేసిన ఈ సినిమా ట్రైలర్ సినీ ప్రేక్షకులను ఎంతగానో ఆకట్టుకుంటుంది. ప్రీ-రిలీజ్ ఈవెంట్ లో భాగంగా యూవీ క్రియేషన్స్ బ్యానర్ ఎప్పుడూ చెప్పిన సమయం కంటే అప్డేట్లు లేట్ గా వస్తాయని ఆ బ్యానర్ మీద ప్రతిసారి అభిమానులు ఆగ్రహం వ్యక్తం చేసే సంగతి తెలిసిందే.

అయితే ఈ ఈవెంట్ లో నవీన్ పోలిశెట్టి నేరుగా యూవీ క్రియేషన్స్ వంశీని ఈ ప్రశ్న అడిగేశాడు. యూవీ క్రియేషన్స్ బ్యానర్‌లో అప్‌డేట్స్ ఎందుకు ఆలస్యంగా వస్తాయి అని నిర్మాత వంశీని అడిగగా "మా ఇంటర్నెట్ కనెక్షన్ కొంచెం వీక్" అని నవ్వుతూ సమాధానం ఇచ్చాడు. ఇక ఈ సినిమాలో విక్రమాదిత్య పాత్రలో ప్రభాస్, ప్రేరణ పాత్రలో పూజ హెగ్డే కనిపించనున్నారు. 2022 జనవరి 14 న సంక్రాంతి కానుకగా ప్రపంచవ్యాప్తంగా ఈ సినిమాని విడుదల చేయనున్నారు. ఇక ఈ చిత్రానికి జస్టిన్ ప్రభాకరన్ సంగీతాన్ని అందించగా రాధాకృష్ణ కుమార్ దర్శకత్వం వహించాడు.