సల్మాన్ ఖాన్ రీమేక్ సినిమాకి నో చెప్పిన తరుణ్ భాస్కర్

Tharun Bhascker: ప్రస్తుతం ఇండస్ట్రీలో ఉన్న ప్రామిసింగ్ డైరెక్టర్లలో తరుణ్ భాస్కర్ కూడా ఒకరు. 2016 లో "పెళ్లి చూపులు" సినిమాతో దర్శకుడిగా మారిన తరుణ్ భాస్కర్ మొదటి సినిమాతోనే మంచి హిట్ ను అందుకున్నారు. 2018 లో "ఈ నగరానికి ఏమైంది" ఈ సినిమాతో మరో హిట్ ను తన ఖాతాలో వేసుకున్నారు తరుణ్. ఇక ప్రస్తుతం అభిమానులు అందరూ తరుణ్ భాస్కర్ తదుపరి సినిమా గురించి ఆసక్తిగా ఎదురు చూస్తున్నారు. తాజాగా తరుణ్ భాస్కర్ ఆలీతో సరదాగా షో కి గెస్ట్ గా వెళ్లారు. ఆ షోలో మాట్లాడుతూ తన వ్యక్తిగత మరియు ప్రొఫెషనల్ లైఫ్ గురించి కొన్ని ఆసక్తికరమైన విషయాలను తెలియజేశారు తరుణ్ భాస్కర్.

ఈ ఎపిసోడ్ కి సంబంధించిన ప్రోమో వీడియో ఇప్పుడు సోషల్ మీడియాలో వైరల్ గా మారింది. బాలీవుడ్ స్టార్ హీరో సల్మాన్ ఖాన్ హీరోగా ఒక రీమేక్ సినిమా చేసే అవకాశం తనకి వచ్చిందని, ఈ నేపథ్యంలో ముంబై వెళ్లి మరి సల్మాన్ ని కలవటం జరిగింది కానీ తరుణ్ భాస్కర్ ఈ సినిమాని రిజెక్ట్ చేసినట్లు చెప్పుకొచ్చారు. అయితే అది పెళ్లిచూపులు రీమేక్ అని నెటిజన్లు చెబుతున్నారు కానీ ఆ సినిమా ఏంటో అసలు ఏం జరిగిందో తెలుసుకోవాలంటే ఎపిసోడ్ చూడాల్సిందే. ఇక విజయ్ దేవరకొండ తనకి ఒక ట్రంప్కార్డ్ అని వరుసగా రెండు మూడు ఫ్లాప్ సినిమాలు వస్తే విజయ్ తో సినిమా చేస్తానని అన్నారు తరుణ్ భాస్కర్.