Sukumar: పదేళ్లపాటు బిజీ కాబోతున్న సుకుమార్

Sukumar: "పుష్ప: ది రైజ్" సినిమాతో క్రియేటివ్ డైరెక్టర్ సుకుమార్ ప్యాన్ ఇండియా డైరెక్టర్ గా మారిపోయారు. ప్రస్తుతం సుకుమార్ చేతినిండా బోలెడు ప్రాజెక్టులు వచ్చి పడుతున్నాయి. అయితే ప్రస్తుతం సుకుమార్ "పుష్ప" రెండవ భాగమైన "పుష్ప: ది రూల్" షూటింగ్ తో బిజీగా ఉన్నారు. అయితే ఈ సినిమా తర్వాత కూడా సుకుమార్ దాదాపు 10 ఏళ్లపాటు పెద్ద లైన్ అప్ తో బిజీగా ఉండబోతున్నట్లు తెలుస్తోంది. పుష్ప 2 సినిమా షూటింగ్ పూర్తి అవడానికి సంవత్సరకాలం పడుతుంది.

ఆ తర్వాత సుకుమార్ ప్రభాస్ తో ఒక సినిమా చేయాలని ప్లాన్ చేస్తున్నారు. దానికి కనీసం రెండేళ్లయినా సమయం పడుతుంది. ఆ తర్వాత సుకుమార్ మెగా పవర్ స్టార్ రామ్ చరణ్ తో కూడా ఒక సినిమాని పట్టాలెక్కించబోతున్నారు. రంగస్థలం తర్వాత సుకుమార్ మరియు రామ్ చరణ్ కాంబినేషన్లో ప్రేక్షకుల ముందుకు రాబోతున్న సినిమా కాబట్టి ఈ సినిమాపై భారీ అంచనాలు నెలకొన్నాయి. ఈ మధ్యనే ఈ సినిమాకి సంబంధించిన చర్చలు కూడా జరిగాయి. ప్రభాస్ తో సినిమా పూర్తయిన వెంటనే రామ్ చరణ్ తో సినిమాని పట్టాలెక్కించనున్నారు సుకుమార్.

ఈ సినిమా కూడా పూర్తయిన తర్వాత సుకుమార్ పుష్ప కి మరొక భాగమైన "పుష్ప 3" గురించి ప్లాన్ చేయబోతున్నారు. ఈ మధ్యనే పుష్ప: 3 గురించి కూడా ఐడియా వచ్చిందని దీనికి సంబంధించిన లైన్ కూడా బన్నీకి చెప్పగా బన్నీ ఓకే చెప్పేసారని తెలుస్తుంది. కేవలం ఈ మూడు సినిమాలు పూర్తి చేయడానికి సుకుమార్ కి ఆరేళ్లు పడుతుందని చెప్పుకోవచ్చు. ఇక మధ్యమధ్యలో సుకుమార్ తీసుకునే గ్యాప్ ల గురించి కూడా కలుపుకుంటే పదేళ్ల వరకు సుకుమార్ బిజీ అని చెప్పుకోవచ్చు. కానీ తన స్పీడును పెంచి సుకుమార్ ఒక్కో సినిమాని ఏడాదిన్నర లోపు పూర్తి చేస్తే బాగుంటుందని అభిమానులు కూడా అంటున్నారు.