logo

జానకి దేవి గా మారనున్న అక్కినేని కోడలు

జానకి దేవి గా మారనున్న అక్కినేని కోడలు
Highlights

విజయ్ సేతుపతి త్రిష ముఖ్య పాత్రలో ఫుల్-లెంగ్త్ ప్రేమకథా చిత్రంగా '96' తమిళ ప్రేక్షకుల ముందుకు వచ్చిన సంగతి...

విజయ్ సేతుపతి త్రిష ముఖ్య పాత్రలో ఫుల్-లెంగ్త్ ప్రేమకథా చిత్రంగా '96' తమిళ ప్రేక్షకుల ముందుకు వచ్చిన సంగతి తెలిసిందే. బ్లాక్ బస్టర్ అయిన ఆ సినిమా రీమేక్ రైట్స్ ను సొంతం చేసుకున్న టాలీవుడ్ స్టార్ ప్రొడ్యూసర్ దిల్ రాజు ఇప్పుడు ఆ సినిమాను రీమేక్ చేస్తున్న సంగతి తెలిసిందే. తెలుగు రీమేక్ సినిమాలో హీరో శర్వానంద్ మరియు స్టార్ బ్యూటీ సమంత హీరో హీరోయిన్లుగా నటిస్తున్నారు. తమిళ చిత్రానికి దర్శకత్వం వహించిన ప్రేమ్ కుమార్ తెలుగు వర్షన్ కు కూడా డైరెక్టర్ గా మారనున్నారు. అంతేకాక తమిళ సినిమాకు సంగీతాన్ని అందించిన గోవింద్ వసంత తెలుగులో కూడా సంగీతాన్ని అందించనున్నారు.

ఇక ఈ సినిమా ప్రీ ప్రొడక్షన్ పనులు జోరుగా సాగుతున్నాయి. ఈ సినిమాకు కొత్త టైటిల్ పెట్టినట్లు తెలుస్తోంది. ఈ సినిమాలో సమంత పేరు జానకి దేవి. ఆ పేరు మీదే సినిమా టైటిల్ గా కూడా పెట్టారట. ఈ మధ్యనే శ్రీ వెంకటేశ్వర క్రియేషన్స్ బ్యానర్ వారు ఫిలించాంబర్లో 'జానకి దేవి' అనే టైటిల్ రిజిస్టర్ చేయించారు. శర్వానంద్ ప్రస్తుతం సుధీర్ వర్మ దర్శకత్వంలో నటిస్తున్న సినిమాతో బిజీగా ఉన్నాడు. ఆ సినిమా పూర్తవగానే 'జానకి దేవి' కోసం లుక్ టెస్ట్ లో పాల్గొననున్నాడు. మరో వైపు దర్శకుడు ఈ సినిమా స్క్రిప్టును తెలుగు ప్రేక్షకులకు నచ్చే విధంగా కొన్ని మార్పులు చేయనున్నారు. అన్నీ అనుకున్నట్లు జరిగితే ఈ సినిమా రెగ్యులర్ షూటింగ్ ఏప్రిల్ లో మొదలు కానుంది. ఆగస్టులో సినిమా విడుదల చేయాలని దిల్ రాజు ప్లాన్.

లైవ్ టీవి

Share it
Top