రెండవ ట్రైలర్ పై ముహుర్తం ఫిక్స్ చేసిన వర్మ

ప్రస్తుతం బయోపిక్ ల హవా టాలీవుడ్ లో నడుస్తున్న సంగతి తెలిసిందే. ఇప్పటికే క్రిష్ దర్శకత్వంలో బాలకృష్ణ నందమూరి తారకరామారావు గారి పై బయోపిక్ తీశారు. ఇప్పుడు మళ్ళీ వివాదాస్పద దర్శకుడు రామ్ గోపాల్ వర్మ కూడా ఎన్టీఆర్ పై ఒక బయోపిక్ తీసేందుకు సిద్ధమయ్యాడు. 'లక్ష్మీస్ ఎన్టీఆర్' అనే టైటిల్ తో ఎన్టీఆర్ బయోపిక్ తెరకెక్కించనున్న వర్మ ప్రతి సినిమా లాగానే ఈ సినిమాపై ఈ సినిమా ప్రమోషన్స్ పై కూడా బాగానే దృష్టి పెడుతున్నాడు. ఈ సినిమాలో అందరూ కొత్త వాళ్ళు నటించిన సంగతి తెలిసిందే.

ఇప్పటికే విడుదలైన ఈ చిత్ర ట్రైలర్ ఒకటి సోషల్ మీడియాలో వైరల్ గా మారింది. ట్రైలర్ సినిమాపై అంచనాలను భారీగా పెంచేసిందని నెటిజన్లు కూడా ప్రశంసల వర్షం కురిపిస్తున్నారు. ఇప్పుడు ఈచిత్రానికి సంబంధించిన రెండవ థియేట్రికల్ ట్రైలర్ ను విడుదల చేయడానికి సిద్ధమయ్యాడు రామ్ గోపాల్ వర్మ. తాజా సమాచారం ప్రకారం ఈ నెల 8వ తారీకున రాత్రి ఏడు గంటల 20 నిమిషాలకు 'లక్ష్మీస్ ఎన్టీఆర్' రెండవ థియేట్రికల్ ట్రైలర్ ను విడుదల చేయబోతున్నాడు ఆర్జీవి. మొదటి ట్రైలర్ తోనే వివాదాలకు దారి తీసిన వర్మ రెండవ ట్రైలర్ తో ఇంకెన్ని వివాదాలకు తెర తీస్తారో చూడాలి.