Salaar Movie: సలార్ సినిమాలో అదే హైలైట్ కాబోతుందట

Salaar Movie: "కే జి ఎఫ్: చాప్టర్ 2" సినిమా కూడా బ్లాక్ బస్టర్ గా మారడంతో ప్రశాంత్ నీల్ తదుపరి సినిమా అయినా "సలార్" సినిమాపై భారీ అంచనాలు నెలకొన్నాయి. మరోవైపు ప్రభాస్ "రాధే శ్యామ్" సినిమా డిజాస్టర్ గా మారడంతో ఈ సినిమాతో అయినా ప్రభాస్, బ్లాక్ బస్టర్ అందుకోవాలని అభిమానులు ఆసక్తిగా ఎదురు చూస్తున్నారు. ప్రశాంత్ నీల్ - ప్రభాస్ కాంబినేషన్ పై రోజురోజుకీ అంచనాలు పెరుగుతూ వస్తున్నాయి.

ఇప్పటికే ఈ చిత్ర షూటింగ్ కొంత భాగం పూర్తి అయిన సంగతి తెలిసిందే. అయితే తాజా సమాచారం ప్రకారం ఈ సినిమాలోని ఇంటర్వెల్ సన్నివేశం సినిమాకే అతిపెద్ద హైలైట్గా మారబోతోంది అని వార్తలు వినిపిస్తున్నాయి.ఒక వ్యాలీ బ్యాక్డ్రాప్ లో ఈ సన్నివేశం మొత్తం జరుగుతుందట. హై వోల్టేజ్ యాక్షన్ సన్నివేశాలు, చేజింగ్ సీన్లతో ఉండే ఇంటర్వెల్ బ్లాక్ ఇండియన్ సినిమా లోనే అదిరిపోయే విజువల్స్ తో ఉండబోతోందని సమాచారం.

కేవలం ఈ ఒక్క సన్నివేశం కోసమే దర్శకనిర్మాతలు ఏకంగా 20 కోట్ల బడ్జెట్ ను వాడినట్లు తెలుస్తోంది. ఈ సన్నివేశం ఇక ఈ సినిమా ఎలా ఉండబోతోంది తెలియాలంటే మరి కొద్ది నెలలు ఆగాల్సిందే. స్టార్ బ్యూటీ శృతిహాసన్ హీరోయిన్గా నటిస్తోంది. భారీ బడ్జెట్తో హోంబలే ఫిలిమ్స్ పతాకంపై నిర్మిస్తున్న ఈ సినిమా వచ్చే ఏడాది థియేటర్లలో విడుదల కాబోతోంది.