logo

క్లీన్ సర్టిఫికెట్ తో బయటకు వచ్చిన మెగా హీరో సినిమా

క్లీన్ సర్టిఫికెట్ తో బయటకు వచ్చిన మెగా హీరో సినిమా

వరుసగా ఆరు డిజాస్టర్ల ను అందుకున్న మెగా మేనల్లుడు సాయి ధరమ్ తేజ్ ఇప్పుడు తన ఆశలన్నీ తన తదుపరి సినిమా అయిన 'చిత్రలహరి' పైనే పెట్టుకున్నాడు. కిషోర్ తిరుమల దర్శకత్వం వహిస్తున్న ఈ చిత్రం రొమాంటిక్ ఎంటర్టైనర్గా ప్రేక్షకుల ముందుకు రాబోతోంది. కల్యాణీ ప్రియదర్శన్, నివేదా పేతురాజ్ ఈ సినిమాలో హీరోయిన్లుగా నటిస్తున్నారు. తాజాగా విడుదలైన ఈ చిత్ర టీజర్ మరియు ట్రైలర్ ప్రేక్షకుల నుంచి మంచి ఆదరణను అందుకుంటోంది. తాజాగా ఈ సినిమా సెన్సార్ పనులను పూర్తి చేసుకుంది.

క్లీన్ 'యూ' సర్టిఫికేట్ తో 'చిత్రలహరి' సినిమా సెన్సార్ నుంచి బయటకు వచ్చింది. ఇక ఈ సినిమా ప్రపంచవ్యాప్తంగా ఏప్రిల్ 12వ తారీఖు న విడుదలకు సిద్ధంగా ఉంది. మైత్రి మూవీ మేకర్స్ నిర్మిస్తున్న ఈ చిత్రానికి దేవిశ్రీప్రసాద్ సంగీతాన్ని అందిస్తున్నారు. ఈ చిత్రం నుంచి బయటకు వచ్చిన కొన్ని పాటలు కూడా ప్రేక్షకుల నుంచి మంచి రెస్పాన్స్ అందుకుంటున్నాయి. సునీల్ వెన్నెల కిషోర్, తదితరులు ఈ సినిమాలో ముఖ్య పాత్రలను పోషిస్తున్నారు. సినిమాలో సక్సెస్ కోసం ఎన్నాళ్లుగానో ఎదురుచూస్తున్న విజయ్ అనే యువకుడి పాత్ర లో కనిపించిన సాయి ధరంతేజ్ ఈ సినిమాతో నిజజీవితంలో కూడా విజయాన్ని అందుకోవాలని ఆశిస్తున్నాడు.

లైవ్ టీవి

Share it
Top