'సాహో' పోస్టర్ కాపీ కొట్టారా

ప్రస్తుతం యంగ్ రెబల్ స్టార్ ప్రభాస్ అభిమానులు అందరూ ఆసక్తిగా ఎదురుచూస్తున్న సినిమా 'సాహో'. సుజిత్ దర్శకత్వంలో స్పై యాక్షన్ థ్రిల్లర్ గా ప్రేక్షకుల ముందుకు రాబోతున్న ఈ సినిమా పై భారీ అంచనాలు నెలకొన్నాయి. ఇప్పటికే విడుదలైన ఈ చిత్ర మేకింగ్ వీడియోలు రెండూ సోషల్ మీడియాలో వైరల్ గా మారాయి. తాజాగా ఈ సినిమా ఫస్ట్ లుక్ పోస్టర్ ను విడుదల చేసి అభిమానులకు సర్ప్రైజ్ ఇచ్చాడు ప్రభాస్.

ఈ పోస్టర్ ద్వారా సినిమా స్వాతంత్ర దినోత్సవం సందర్భంగా ఆగస్టు 15న విడుదల కాబోతుంది అనే విషయాన్ని స్పష్టం చేశారు దర్శక నిర్మాతలు.అయితే ఈ పోస్టర్ కు ప్రేక్షకుల నుంచి మిక్స్డ్ రెస్పాన్స్ అందుతోంది. దానికి కారణం ఈ పోస్టర్ హాలీవుడ్ టీవీ సిరీస్ 'బ్రేకింగ్ బ్యాడ్' పోస్టర్ లాగానే ఉండటం. 'సాహో' సినిమా పోస్టర్ ను 'బ్రేకింగ్ బాడ్' చూసి కాపీ కొట్టారని నెటిజన్లు దర్శక నిర్మాతల పై మండి పడుతున్నారు. ఈ నేపథ్యంలో ఈ చిత్ర బృందం ఎలా రియాక్ట్ అవుతుందో ఇంకా తెలియాల్సింది. శ్రద్ధా కపూర్ హీరోయిన్ గా నటిస్తున్న ఈ సినిమాలో జాకీ ష్రాఫ్, మందిరా బేడి, నీల్ నితిన్ ముఖేష్ తదితరులు ముఖ్య పాత్రలు పోషిస్తున్నారు.