Ram Charan: ఇది నిజంగా ఒక కల లాంటిది అంటున్న రామ్ చరణ్

Ram Charan: మెగా పవర్ స్టార్ రామ్ చరణ్ మరియు యంగ్ టైగర్ ఎన్టీఆర్ హీరోలుగా త్వరలో ప్రేక్షకుల ముందుకు రాబోతున్న సినిమా "ఆర్ ఆర్ ఆర్". రాజమౌళి దర్శకత్వంలో తెరకెక్కుతున్న ఈ సినిమాపై భారీ అంచనాలు నెలకొన్న సంగతి తెలిసిందే. తాజాగా ఈ చిత్ర ప్రమోషన్స్ తో చిత్ర బృందం బిజీగా ఉంది. ఈ నేపథ్యంలో ఒక ఇంటర్వ్యూలో పాల్గొన్న రామ్ చరణ్ ఈ సినిమా గురించి కొన్ని ఆసక్తికరమైన విషయాలని తెలియజేశారు. రాజమౌళి తో పనిచేయడం వల్ల కెరీర్ పరంగానే కాక జీవితంలో కూడా చాలా నేర్చుకోవచ్చని ఆయన అన్నారు.

ఈ సినిమాలో అల్లూరి సీతారామ రాజు పాత్రలో కనిపించబోతున్నాడు రామ్ చరణ్. కథ పరంగా తన పాత్ర మూడు భిన్నమైన పాత్రలు లాగా మూడు సరికొత్త లుక్స్ ఉండబోతోందని, అలాంటి ఒక అద్భుతమైన పాత్ర రాజమౌళితో చేయటం తనకి నిజంగానే ఒక కల లాంటిది అని అన్నారు. అలియా భట్ మరియు ఒలీవియా మోరిస్ లు హీరోయిన్లుగా నటిస్తున్న ఈ సినిమా లో అజయ్ దేవగన్ సముద్రఖని శ్రీయ శరణ్ తదితరులు ముఖ్య పాత్రలు పోషిస్తున్నారు. ఈ సినిమా వచ్చే ఏడాది జనవరి 7న ప్రపంచ వ్యాప్తంగా విడుదల కాబోతుంది.