Ravi Teja: మరొకసారి గాయకుడిగా మారబోతున్న మాస్ మహారాజా

Ravi Teja: వరుస డిజాస్టర్ తో సతమతం అయిన మాస్ మహారాజా రవితేజ తాజాగా ఈ ఏడాది మొదట్లో "క్రాక్" సినిమాతో బ్లాక్ బస్టర్ అందుకున్నారు. ఇక పలు ఆసక్తికరమైన ప్రాజెక్టులతో బిజీగా ఉన్న రవితేజ "ఖిలాడీ" సినిమాతో త్వరలో ప్రేక్షకుల ముందుకు రాబోతున్నాడు. అయితే తాజా సమాచారం ప్రకారం ఈ సినిమాలో రవితేజ ఒక పాట కూడా పడబోతున్నారట. ఇది ఒక మాస్ పాట అని తెలుస్తోంది. దీని గురించి మాట్లాడుతూ చిత్ర దర్శకుడు రమేష్ వర్మ తన ఈ పాటకోసం రవితేజనే సింగర్ గా పెడితే బాగుంటుందని అనుకున్నట్లు, ఈ సినిమాకి సంగీతం అందిస్తున్న దేవి శ్రీ ప్రసాద్ కూడా దానికి ఒప్పుకున్నట్లు తెలిపారు.

"రవితేజ రా మరియు ఫంకీ వాయస్ ఈ పాటకి సరైన ఎలివేషన్ ఇస్తుందని అనిపించింది. నేను దేవి శ్రీ ప్రసాద్ ఈ ఐడియా ని రవితేజ తో చెప్పగానే వెంటనే ఒప్పుకున్నారు" అని అన్నారు రమేష్. మరికొందరు ఇతర సింగర్స్ తో పాటు హైదరాబాద్లోని ఒక స్టూడియోలో ఈ పాట షూటింగ్ త్వరలో జరగబోతోంది. సినిమా సెకండ్ హాఫ్ లో ఈ పాట వస్తుందని తెలుస్తోంది. ఇంతకుముందు "డిస్కో రాజా" సినిమా లో కూడా రవితేజ "రం పం బం" పాట పాడారు. "పవర్" లో "నోటంకి నోటంకి", మరియు "బలుపు" సినిమాలో "కాజలు చెల్లివా" పాట కూడా రవితేజ పాడారు.