Aranya Trailer: రానా 'అరణ్య' ట్రైలర్ రిలీజ్

Aranya Trailer: ప్రతీ సినిమాకు కొత్తదనం చూపించే నటుడు రానా దగ్గుబాటి. విలక్షణ పాత్రలు ఎంచుకొంటూ ఫ్యాన్స్‌ను అలరిస్తున్నాడు. ఈసారి ఓ సరికొత్త పాత్రలో కనిపించనున్నాడు. ప్రభు సాల్మన్‌ దర్శకత్వంలో రానా హీరోగా తెరకెక్కుతున్న చిత్రం 'అరణ్య'. మనుషుల దురాశ, ఏనుగుల అవసరాలకు మధ్య జరిగే పోరాటాలా నేపథ్యంలో అరణ్య సినిమాను తెరకెక్కించారు. ఈ చిత్రంలో రానా ఏనుగులను రక్షించే ఓ మావటివాడిగా కనిపించనున్నాడు. ఇప్పటికే విడుదలైన ఈ సినిమా ఫస్ట్‌లుక్‌, టీజర్‌ అభిమానులను విశేషంగా ఆకట్టుకున్నాయి. తాజాగా ఈ అరణ్య ట్రైలర్‌ను మేకర్స్ రిలీజ్ చేశారు.

ఏనుగులు మనకంటే ఎంతో తెలివైనవి. ఎంతో భావోద్వేగం కలవి... అంటూ మొదలవుతుంది ఈ ట్రైలర్‌. రానా చెప్పే డైలాగులు ఆకట్టుకునేలా ఉన్నాయి. తెలుగులో 'అరణ్య' పేరుతో వస్తున్న ఈ చిత్రం హిందీ, తమిళ భాషల్లోనూ రిలీజ్ కానుంది. ఎరోస్‌ ఇంటర్నేషనల్‌ సంస్థ నిర్మిస్తోంది. విష్ణు విశాల్‌, జోయా హస్సేన్‌, శ్రీయ కీలక పాత్రల్లో కనిపించనున్నారు. శాంతను సంగీతం అందించారు. మార్చి 26న ప్రేక్షకుల ముందుకు రానుంది.