logo
సినిమా

శంకర్ తో సినిమా పై ఆసక్తికరమైన విషయాలు బయట పెట్టిన రామ్ చరణ్

Ram Charan Will Be Seen in the Role of an IAS officer in Shankar Movie
X

 శంకర్ తో సినిమా పై ఆసక్తికరమైన విషయాలు బయట పెట్టిన రామ్ చరణ్

Highlights

*శంకర్ తో సినిమా పై ఆసక్తికరమైన విషయాలు బయట పెట్టిన రామ్ చరణ్

Ram Charan: మెగా పవర్ స్టార్ రామ్ చరణ్ మరియు ఎన్టీఆర్ హీరోలుగా నటించిన "ఆర్ ఆర్ ఆర్" సినిమా రాజమౌళి దర్శకత్వంలో మార్చి 25 న విడుదలై బ్లాక్ బస్టర్ గా నిలిచింది. ఇక ఈ సినిమా తర్వాత రామ్ చరణ్ స్టార్ డైరెక్టర్ శంకర్ దర్శకత్వంలో ఓ సినిమా చేయబోతున్నారు. పొలిటికల్ బ్యాక్ డ్రాప్ తో తెరకెక్కనున్న ఈ సినిమాలో బాలీవుడ్ బ్యూటీ కియారా అద్వానీ రామ్ చరణ్ సరసన హీరోయిన్ గా నటించనుంది.

స్టార్ కోలీవుడ్ నటుడు ఎస్.జె.సూర్య కూడా ఈ సినిమాలో ముఖ్య పాత్ర పోషిస్తున్నట్లు తెలుస్తోంది. తాజాగా ఈ సినిమా గురించి మాట్లాడుతూ కొన్ని ఆసక్తికరమైన విషయాలను తెలియజేశారు రామ్ చరణ్. "ఇప్పటికే ఈ సినిమా కి సంబంధించి 60 రోజుల షూటింగ్ పూర్తయింది. ఈ సినిమాలో నేను విభిన్న లుక్స్ తో కనిపించబోతున్నాను.

ఇది ఒక హార్డ్ హిట్టింగ్ సోషల్ డ్రామా. ఇందులో నేను ఐఏఎస్ ఆఫీసర్ పాత్రలో కనిపించబోతున్నాను" అని చెప్పుకొచ్చారు రామ్ చరణ్. దిల్ రాజు మరియు శిరీష నిర్మిస్తున్న ఈ సినిమాకి ఎస్.ఎస్ తమన్ సంగీతాన్ని అందిస్తున్నారు. అంజలి, శ్రీకాంత్, నవీన్ చంద్ర తదితరులు ఈ సినిమాలో ముఖ్య పాత్రలు పోషిస్తున్నారు. మరి ఐఏఎస్ ఆఫీసర్ పాత్రలో రామ్ చరణ్ ప్రేక్షకులను ఎంతవరకూ అలరిస్తారో వేచి చూడాలి.

Web TitleRam Charan Will Be Seen in the Role of an IAS officer in Shankar Movie
Next Story