logo

సీనియర్ హీరో సరసన రకుల్ ప్రీత్

సీనియర్ హీరో సరసన రకుల్ ప్రీత్
Highlights

టాలీవుడ్ లో స్టార్ హీరోయిన్ లలో ఒకరిగా ఒక వెలుగు వెలిగిన రకుల్ ప్రీత్, మహేష్ బాబు హీరోగా మురుగదాస్...

టాలీవుడ్ లో స్టార్ హీరోయిన్ లలో ఒకరిగా ఒక వెలుగు వెలిగిన రకుల్ ప్రీత్, మహేష్ బాబు హీరోగా మురుగదాస్ దర్శకత్వంలో తెరకెక్కిన 'స్పైడర్' సినిమా తర్వాత మళ్లీ తెలుగు తెరపై కనిపించలేదు. ఈ మధ్యనే తమిళ డబ్బింగ్ సినిమా 'దేవ్' తో తెలుగు ప్రేక్షకులను పలకరించినప్పటికీ మంచి హిట్ ను నమోదు చేసుకోలేక పోయింది రకుల్. తాజా సమాచారం ప్రకారం తెలుగులో ఈమెకు ఒక పెద్ద అవకాశం వచ్చినట్లు తెలుస్తోంది. ఈ మధ్యనే 'చిలసౌ' సినిమాతో దర్శకుడిగా మారిన రాహుల్ రవీంద్రన్ ప్రస్తుతం నాగార్జున హీరోగా 'మన్మధుడు' సీక్వెల్ 'మన్మధుడు 2' సినిమాతో బిజీగా ఉన్న సంగతి తెలిసిందే.

తాజాగా రకుల్ కోసం ఈ సినిమాలో రాహుల్ రవీంద్రన్ ఒక మంచి పాత్రను సిద్ధం చేసినట్లు తెలుస్తోంది. అది నటనకు మంచి స్కోప్ ఉన్న పాత్ర కావడంతో రకుల్ కూడా ఈ సినిమాలో నటించేందుకు వెంటనే ఒప్పుకున్నట్లు తెలుస్తోంది. రకుల్ క్యారెక్టరైజేషన్ ఈ సినిమాలో చాలా బాగుంటుందని, ప్రేక్షకులను మెప్పించే లా ఉంటుందని ఇండస్ట్రీలో టాక్ నడుస్తోంది. నాగార్జున స్వయంగా ఈ చిత్రాన్ని అన్నపూర్ణ స్టూడియోస్ పతాకంపై నిర్మిస్తున్నారు. ఇది కాకుండా రకుల్ చేతిలో ఇప్పటికే రెండు తమిళ ప్రాజెక్టులు ఒక హిందీ ప్రాజెక్టు ఉన్నాయి.


లైవ్ టీవి


Share it
Top