logo

రాయల్ ఆల్బర్ట్ హాల్ లో 'బాహుబలి'

రాయల్ ఆల్బర్ట్ హాల్ లో
Highlights

జక్కన రాజమౌళి దర్శకత్వం వహించిన 'బాహుబలి 2' సినిమా విడుదలై ఇప్పటికి రెండేళ్లు అయింది కానీ సినిమా మాత్రం ఇంకా...

జక్కన రాజమౌళి దర్శకత్వం వహించిన 'బాహుబలి 2' సినిమా విడుదలై ఇప్పటికి రెండేళ్లు అయింది కానీ సినిమా మాత్రం ఇంకా రికార్డుల వర్షం కురిపిస్తూనే ఉంది. ఎదో ఒక రకంగా మళ్ళీ తెలుగు ప్రేక్షకులను ఆ దృశ్యకావ్యాన్ని గుర్తుతెచ్చుకునేలా, తెలుగు వారిని గర్వపడేలా చేస్తూనే ఉంది. తాజాగా 'బాహుబలి 1' చిత్రానికి ఒక గొప్ప హానర్ లభించనుంది. తాజా సమాచారం ప్రకారం 'బాహుబలి 1' చిత్రాన్ని ప్రతిష్టాత్మక రాయల్ ఆల్బర్ట్ హాల్ ఫిల్మ్ కాన్సర్ట్ లో ప్రదర్శించనున్నారు. హాలీవుడ్ బ్లాక్ బస్టర్ చిత్రాలతో పాటు మన 'బాహుబలి 1' ని ఎంపిక చేయడం జరిగింది.

హాలీవుడ్ చిత్రాలు 'స్కైఫాల్', 'హరీ పాటర్ అండ్ ది గోబ్లెట్ ఆఫ్ ఫైర్' సినిమాలతో పాటు 'బాహుబలి 1' సినిమాను కూడా ఇందులో ప్రదర్శించనున్నారు. అంతేకాకుండా సినిమా ప్రదర్శించే ముందు ఒక లైవ్ కాన్సర్ట్ కూడా జరగనుంది. అక్టోబర్ 19న జరగనున్న ఈ వేడుకలో చిత్ర దర్శకుడు రాజమౌళి, సంగీత దర్శకుడు ఎం ఎం కీరవాణి కూడా హాజరవ్వనున్నారు. చిత్రం గురించి, చిత్ర సంగీతం గురించి కొన్ని విశేషాలు ఈ వేడుకలో పంచుకోనున్నారు. కీరవాణి తో పాటే రాజమౌళి కూడా అక్కడ ప్రేక్షకులతో ఇంటరాక్ట్ అవ్వనున్నారు. రాయల్ ఆల్బర్ట్ హాల్ కాన్సర్ట్ లో ప్రదర్శింప పడనున్న మొట్టమొదటి భారతీయ చిత్రం 'బాహుబలి' కావడం విశేషం.

లైవ్ టీవి

Share it
Top