logo

భయపెడుతున్న 'కాంచన 3' ట్రైలర్

భయపెడుతున్న
Highlights

ఇప్పటికే 'ముని, 'కాంచన', 'కాంచన 2 (గంగ)' సినిమాలతో ప్రేక్షకులను భయపెట్టడమే కాక బాగా అలరించిన రాఘవ లారెన్స్...

ఇప్పటికే 'ముని, 'కాంచన', 'కాంచన 2 (గంగ)' సినిమాలతో ప్రేక్షకులను భయపెట్టడమే కాక బాగా అలరించిన రాఘవ లారెన్స్ ఇప్పుడు అదే సిరీస్ లోని నాలుగవ ఇన్స్టాల్మెంట్ అయిన 'కాంచన 3' సినిమాతో త్వరలో ప్రేక్షకుల ముందుకు రాబోతున్నాడు. హారర్ కామెడీ జానర్లో తెరకెక్కనున్న ఈ చిత్రం లో వేదిక, నిక్కీ తంబోలి' మరియు బిగ్ బాస్ ఫేమ్ ఓవియ లు హీరోయిన్లుగా నటించారు. ముందు చిత్రాలతో పోలిస్తే ఈ సినిమా కచ్చితంగా సరికొత్తగా ఉండబోతోందని చిత్ర బృందం ఇప్పటికి చాలాసార్లు చెప్పింది.

ఇక తాజాగా చిత్ర ప్రమోషన్స్ ను మొదలు పెట్టిన దర్శకనిర్మాతలు ఇవాళ ఈ చిత్ర ట్రైలర్ ను విడుదల చేశారు. కేవలం ఒకటిన్నర నిమిషం నిడివి ఉన్న ఈ వీడియోకి ఇప్పుడు ప్రేక్షకుల నుంచి మంచి రెస్పాన్స్ వస్తోంది. హారర్ కామెడీ అయినప్పటికీ ఈ చిత్ర ట్రైలర్ చూస్తే ఎక్కువ హారర్ సన్నివేశాలే కనిపిస్తాయి. దీన్నిబట్టి ఈ సినిమా కచ్చితంగా ప్రేక్షకులను మరింతగా భయపడుతుందని తెలుస్తోంది. ముఖ్యంగా రాఘవ లారెన్స్ పర్ఫార్మెన్స్ ఈ సినిమాకే హైలైట్గా మారబోతోందని చెప్పుకోవచ్చు. సన్ పిక్చర్స్ పతాకంపై కళానిధి మారన్ నిర్మించిన ఈ చిత్రానికి అమ్రేష్ గణేష్ సంగీతాన్ని అందించారు. ఈ చిత్రం ఏప్రిల్ 19న విడుదల కానుంది.



లైవ్ టీవి


Share it
Top