R Narayana Murthy: ఆర్ నారాయణమూర్తి ఇంట విషాదం..

R Narayana Murthy: పీపుల్స్ స్టార్ ఆర్ నారాయణమూర్తి ఇంట విషాదం నెలకొంది. ఆయన తల్లి రెడ్డి చిట్టెమ్మ(93) మృతి చెందారు. ఆమెకు ఏడుగురు సంతానం. వారిలో మూడవ కుమారుడు ఆర్. నారాయణ మూర్తి. ఆమె గత కొన్ని రోజులుగా అనారోగ్యం కారణంగా కాకినాడ జిల్లాలోని ఓ ప్రైవేటు ఆస్పత్రిలో చికిత్స తీసుకుంటున్నారు. ఈ క్రమంలో మంగళవారం ఆరోగ్యం క్షీణించడంతో తుది శ్వాస విడిచారు. నారాయణమూర్తి తల్లి మృతి పట్ల పలువురు సినీ ప్రముఖులు సంతాపం తెలిపారు. బుధవారం ఉదయం పీపుల్స్ స్టార్ ఆర్ నారాయణ మూర్తి తల్లి అంత్యక్రియలు జరుగనున్నాయి.