విజయ్ దేవరకొండ కి స్పెషల్ విషెస్ చెప్తున్న పూరి...

Puri Jagannath: గీత గోవిందం, అర్జున్ రెడ్డి వంటి బ్లాక్బస్టర్ సినిమాలతో సెన్సేషనల్ హీరోగా మారిపోయిన యువ హీరో విజయ్ దేవరకొండ గత కొంతకాలంగా వరుస ప్లాపులతో సతమతం అవుతున్నారు. తాజాగా తన ఆశలన్నీ తన తదుపరి సినిమా "లైగర్" పైనే పెట్టుకున్నారు విజయ్. స్టార్ డైరెక్టర్ పూరి జగన్నాధ్ ఈ సినిమాకి దర్శకత్వం వహిస్తున్నారు. మంచి అంచనాల మధ్య ఈ సినిమా ఈ ఏడాది ఆగస్టులో విడుదల కాబోతోంది.

ఈ సినిమా పూర్తయిన తర్వాత విజయ్ దేవరకొండ మళ్ళీ పూరి జగన్నాథ్ డైరెక్షన్ లో "జన గణ మన" అనే సినిమా చేస్తున్న సంగతి తెలిసిందే. తాజాగా విజయ్ దేవరకొండ తన పుట్టిన రోజు ను జరుపుకున్నారు. ఈ నేపథ్యంలో పూరి జగన్నాథ్ ట్విట్టర్ ద్వారా విజయ్ దేవరకొండ కి స్పెషల్ విషెస్ ను చెప్పారు. "నేను నీ మనసులో ఉన్న ఫైర్ ని చూశాను. నీలో ఉన్న ఒక మంచి యాక్టర్ ని చూశాను.

నీ మైండ్ లో ఏమి ఆలోచిస్తున్నావో నాకు ఇట్టే తెలిసిపోతుంది. నీ ఆకలి, నీ పిచ్చితనం, నీ కమిట్మెంట్, నీ హంబుల్ నెస్ ఇవన్నీ నిన్ను ఓ పెద్ద స్థాయికి చేరుస్తాయి. ఏదో ఒక రోజు నువ్వు దేశం గర్వించదగ్గ నటుడిగా అవుతావు. ఇప్పుడు నేను నిన్ను 'ద విజయ్ దేవరకొండ' అని పిలుస్తాను. హ్యాపీ బర్త్ డే" అని చెప్పుకొచ్చారు పూరి జగన్నాథ్. ఇక వీరిద్దరి కాంబినేషన్ లో ప్రేక్షకుల ముందుకు రాబోతున్న "లైగర్" ఆగస్టు 25న థియేటర్లలో విడుదల కాబోతుంది.