Radheshyam Movie: ప్రభాస్ ఫ్యాన్స్‌కు ఉగాది గిఫ్ట్.. న్యూ పోస్టర్ రిలీజ్

Radheshyam Movie: ఉగాది కానుకగా యంగ్ రెబల్ స్టార్ ప్రభాస్ నటిస్తోన్న రాధేశ్యామ్ ఓ పోస్టర్ ను చిత్ర యూనిట్ విడుదల చేసింది. ఈ సినిమాలో ప్రభాస్ ప్రస్తుతం పూజా హెగ్డే హీరోయిన్ నటిస్తోంది. యూవీ క్రియేషన్స్ బ్యానర్ పై ఈ సినిమా టీజర్ ను విడుదల చేస్తామంటూ, గత కొంతకాలంగా నిర్మాతలు చెబుతూనే ఉండగా, వివిధ కారణాల వల్ల వాయిదా పడుతూ వచ్చింది. కనీసం ఉగాదికైనా విడుదల చేయాలంటూ ఫ్యాన్స్ ఇటీవలి కాలంలో డిమాండ్ చేస్తుండటంతో, ఈ ఉదయం ప్రభాస్ లవ్లీ లుక్ అంటూ ఓ పోస్టర్ ను విడుదల చేశారు.

'ఎన్నో పండగలు... కానీ ప్రేమ ఒకటే' అంటూ ఇది విడుదలైంది. ఇక ఈ పోస్టర్ లో ప్రభాస్ ఎంతో అందంగా కనిపిస్తున్నాడు. దీనికి క్యాప్షన్ గా కొత్త సంవత్సరం ఆరంభం రోజున ఏ భాషలో ఎలా పిలుస్తారో చెప్పారు. ఉగాది, గుడీ పడవా, బైసాకి, వైషు, పుత్తాండు, జుర్ షీతల్, చెట్టి చాంద్, బోహగ్ బిహు, నవ్ రేహ్, పోయిలా బోషక్ అంటూ... వివిధ భాషల్లో ఉగాదిని గుర్తు చేస్తూ, శుభాభినందనలు తెలిపారు.

కాగా, ఈ చిత్రాన్ని రెబల్ స్టార్ కృష్ణంరాజు సమర్పిస్తున్నారన్న సంగతి తెలిసిందే. ప్రభాస్, విక్రమాదిత్య పాత్రలో నటిస్తుండగా, కృష్ణంరాజు కూడా ఓ కీలక పాత్రలో కనిపించనున్నారు. వాస్తవానికి జూలై 30న చిత్రాన్ని విడుదల చేస్తామని తేదీని కూడా ప్రకటించినా, కరోనా కేసులు పెరుగుతున్న నేపథ్యంలో పలు చిత్రాల విడుదల వాయిదా పడుతున్నాయి. ఈ నేపధ్యంలో రాధేశ్యామ్ చిత్రంపై కరోనా ఎఫెక్ట్ ఏ మేరకు పడుతుందో వేచి చూడాల్సిందే.