logo

యంగ్ రెబెల్ స్టార్ తో సమంత

యంగ్ రెబెల్ స్టార్ తో సమంత

యంగ్ రెబల్ స్టార్ ప్రభాస్ ప్రస్తుతం సుజిత్ దర్శకత్వంలో 'సాహో' సినిమాతో బిజీగా ఉన్న సంగతి తెలిసిందే. యాక్షన్ థ్రిల్లర్ గా ప్రేక్షకుల ముందుకు రాబోతున్న ఈ చిత్రం ఆగస్టులో విడుదల కానుంది. ఈ సినిమా తరువాత ప్రభాస్ 'జిల్' ఫేమ్ రాధాకృష్ణ దర్శకత్వంలో ఒక సినిమా చేయనున్నాడు. ఈ సినిమా షూటింగ్ ఇప్పటికే ప్రారంభమైంది. పూజ హెగ్డే ఈ సినిమాలో హీరోయిన్ గా నటిస్తుంది. ఈ సినిమా ఒక రొమాంటిక్ ఎంటర్టైనర్ అని తెలుస్తోంది. ఈ రెండూ కాకుండా ఈ మధ్యనే ప్రభాస్ దిల్ రాజు బ్యానర్ లో ఒక సినిమాకు ఒప్పుకున్నాడన్న సంగతి తెలిసిందే. అయితే ఈ సినిమాలో హీరోయిన్ గురించి ఒక ఆసక్తికరమైన వార్త బయటకు వచ్చింది.

తాజా సమాచారం ప్రకారం ఈ సినిమాలో ప్రభాస్ సరసన హీరోయిన్ గా నటించమని దిల్ రాజు ను సమంత సంప్రదించినట్లు తెలుస్తోంది. సమంత ఇంకా ఈ సినిమా పై నిర్ణయం తీసుకోవాలట. ఈ పుకార్లలో ఎంత వరకు నిజం ఉందో తెలియదు కానీ ప్రస్తుతం ఈ వార్త సోషల్ మీడియాలో వైరల్ గా మారుతుంది. ఇప్పటిదాకా సమంత, ప్రభాస్ కలిసి ఏ సినిమాలోనూ నటించలేదు. ఒకవేళ నిజంగానే సమంత ఈ సినిమాలో హీరోయిన్ గా నటించబోతోందంటే, ఇది ఖచ్చితంగా ఒక ఫ్రెష్ కెమిస్ట్రీని ప్రేక్షకుల ముందుకు తీసుకు వస్తుందని చెప్పుకోవచ్చు. ఈ చిత్రం పై క్లారిటీ రావాలంటే మరి కొన్ని రోజులు ఆగాల్సిందే.

లైవ్ టీవి

Share it
Top