Hari Hara Veera Mallu Pre Release: పవన్ కళ్యాణ్‌ ‘హరి హర వీరమల్లు’ విడుదలకు సిద్ధం – ప్రీ రిలీజ్ ఈవెంట్ తిరుపతిలో గ్రాండ్‌గా!

Hari Hara Veera Mallu Pre Release: పవర్ స్టార్ పవన్ కళ్యాణ్ హీరోగా నటించిన పీరియాడిక్ యాక్షన్ అడ్వెంచర్ చిత్రం ‘హరి హర వీరమల్లు’ జూన్ 12న గ్రాండ్ రిలీజ్‌కు సిద్ధంగా ఉంది. ఈ చిత్రానికి క్రిష్, జ్యోతి కృష్ణ లు దర్శకత్వం వహించగా, నిర్మాత ఏ.ఎం. రత్నం భారీ బడ్జెట్‌తో నిర్మించారు. 17వ శతాబ్దం నేపథ్యంలో రూపొందిన ఈ సినిమాను రెండు భాగాలుగా ప్లాన్ చేశారు. ఇప్పటికే నిర్మాతలు ఈ విషయాన్ని స్పష్టం చేశారు.

Part 1 – ‘స్వార్డ్ వర్సెస్ స్పిరిట్’ అనే టైటిల్‌తో తొలి భాగం విడుదలకు రెడీ అయింది. ఈ నేపథ్యంలో చిత్ర బృందం ప్రీ రిలీజ్ ఈవెంట్‌ను భారీగా నిర్వహించేందుకు సన్నాహాలు చేస్తోంది.

తిరుపతిలో ప్రీ రిలీజ్ హంగామా!

ప్రీ రిలీజ్ ఈవెంట్‌ను జూన్ 8న తిరుపతిలోని ఎస్‌వీయూ తారకరామ క్రీడా మైదానంలో చాలా గ్రాండ్‌గా నిర్వహించనున్నారు. ఈ ఈవెంట్ కోసం భారీ స్థాయిలో ఏర్పాట్లు జరుగుతున్నాయి. అభిమానులు ఎంతగానో ఎదురు చూస్తున్న పవన్ కళ్యాణ్ ప్రీ రిలీజ్ వేదికపై కనిపించబోతున్నారు.

అదే సమయంలో, పవన్ కళ్యాణ్ జూన్ 7న తిరుపతి చేరుకోనున్నారు. తిరుమల శ్రీవారిని దర్శించుకున్న అనంతరం, ఆయన ఈ వేడుకలో పాల్గొననున్నట్లు సమాచారం. ప్రస్తుతం ఈ కార్యక్రమానికి సంబంధించిన అన్ని ఏర్పాట్లు వేగంగా పూర్తవుతున్నాయి.

ఫ్యాన్స్‌తో పాటు సినీప్రపంచమంతా ఈ భారీ చిత్ర విడుదలను, ప్రీ రిలీజ్ ఈవెంట్‌ను ఉత్కంఠతో ఎదురు చూస్తోంది.