Pawan Kalyan: మేజర్‌ చిత్రబృందానికి పవన్‌ అభినందనలు

Pawan Kalyan: మేజర్‌ సందీప్‌ ఉన్నికృష్ణన్‌ సాహసాలు, ఆయన వీరమరణాన్ని వెండి తెరపై మేజర్‌గా ఆవిష్కరించిన చిత్ర బృందానికి అభినందనలు తెలియజేశారు జనసేన అధినేత పవన్‌ కల్యాణ్‌. అడివి శేష్ లాంటి నటులు మరింత మంది చిత్రసీమకు రావాలని అన్నారు. ఈ చిత్రానికి ప్రేక్షకుల నుంచి వస్తున్న స్పందన తెలుసుకొని సంతోషించానని, అన్ని భాషలవారినీ మెప్పిస్తున్న ఈ బయోపిక్ మన తెలుగు చిత్రసీమ నుంచి రావడం ఆనందం కలిగించిందన్నారు పవన్. మేజర్ సందీప్ ఉన్నికృష్ణన్ లాంటి సైనికాధికారులు, సిబ్బంది దేశ భద్రత కోసం ఎంతగా పోరాడుతున్నారో అందరికీ తెలియాలన్నారు. ఇంకా మేజర్‌ సినిమా చూడలేదని, త్వరలోనే వీక్షిస్తానని చెప్పారు జనసేనాని.