logo

'ఆర్ఆర్ఆర్' సినిమా పై రియాక్ట్ అయిన పరిణితి.

ఆర్ఆర్ఆర్ సినిమా పై రియాక్ట్ అయిన పరిణితి.

'బాహుబలి' సినిమా తరువాత జక్కన్న రాజమౌళి దర్శకత్వంలో తెరకెక్కుతున్న సినిమా కాబట్టి 'ఆర్ ఆర్ ఆర్' సినిమాపై భారీ అంచనలున్న సంగతి తెలిసిందే. యంగ్ టైగర్ ఎన్టీఆర్ మరియు మెగా పవర్ స్టార్ రామ్ చరణ్ హీరోలుగా తెరకెక్కుతున్న ఈ సినిమా లో హీరోయిన్లుగా ఎవరు నటిస్తున్నారో అనే విషయంపై బోలెడు పుకార్లు బయటకి వచ్చాయి. ఈ సినిమాలో బాలీవుడ్ బ్యూటీ లు ఆలియా భట్ మరియు పరిణీతి చోప్రా హీరోయిన్లుగా నటిస్తున్నారు అనే వార్త సోషల్ మీడియా లో హల్ చల్ చేసింది. ఈ విషయమై అధికారిక ప్రకటన కోసం చాలా రోజులుగా ప్రేక్షకులు ఎదురుచూస్తున్నారు.

ఈ నేపథ్యంలో వచ్చిన పుకార్లపై పరిణీతి చోప్రా రెస్పాన్డ్ అయింది. తన 'కేసరి' సినిమా ప్రమోషన్స్ లో భాగంగా ఇంటర్వ్యూల్లో పాల్గొంటున్న పరిణీతి ఈ సినిమాపై క్లారిటీ ఇచ్చింది. తాను ఇప్పుడే ఆ సినిమా గురించి ఏమీ మాట్లాడలేనని, సరైన సమయం వస్తే అందరికీ తెలుస్తుంది అని చెప్పుకొచ్చింది పరిణీతి చోప్రా. అటు కన్ఫామ్ చేయకుండా ఇటు రిజెక్ట్ చేయకుండా ప్రేక్షకులను సస్పెన్స్ లో పడేసింది ఈ భామ. ఇక తాజాగా ఈ వారం లో రాజమౌళి ప్రెస్ మీట్ ఏర్పాటు చేయబోతున్నారని తెలుస్తోంది. కనీసం ఈ ప్రెస్ మీట్లో అయినా రాజమౌళి ఈ సినిమాలో హీరోయిన్ల గురించి క్లారిటీ ఇస్తారని అందరూ ఆసక్తిగా ఎదురు చూస్తున్నారు.

లైవ్ టీవి

Share it
Top