చిరు కి సహాయం చేయనున్న నిహారిక

'ఖైదీ నెంబర్ 150' సినిమాతో టాలీవుడ్ లో రీ-ఎంట్రీ ఇచ్చిన మెగాస్టార్ చిరంజీవి ప్రస్తుతం తన కెరీర్లోనే హయ్యస్ట్ బడ్జెట్ తో 'సైరా నరసింహారెడ్డి' అనే సినిమాలో నటిస్తున్న సంగతి తెలిసిందే. సురేందర్ రెడ్డి దర్శకత్వం వహిస్తున్న ఈ సినిమాను రామ్ చరణ్ కొణిదెల ప్రొడక్షన్స్ బ్యానర్ పై నిర్మిస్తున్నాడు. ఈ సినిమాపై భారీ అంచనాలు నెలకొన్నాయి. చిరుతో పాటు ఈ సినిమాలో అమితాబ్ బచ్చన్, విజయ్ సేతుపతి, సుదీప్, జగపతి బాబు, నయనతార, తమన్నా వంటి స్టార్లు కూడా ముఖ్య పాత్రల్లో కనిపించనున్నారు. ఇక ఈ సినిమాలో మెగా ప్రిన్సెస్ నిహారిక కొణిదెల కూడా ఒక చిన్న పాత్ర పోషిస్తుందట.

ఆపద సమయంలో ఉయ్యాలవాడ నరసింహ రెడ్డి కి ఆశ్రయం కల్పించిన ఒక గిరిజన యువతి పాత్రలో నిహారిక ఈ సినిమాలో కనిపించనుంది. ఈమె పాత్రకు నిడివి చాలా తక్కువ అయినప్పటికీ ఇంతటి ప్రతిష్టాత్మక సినిమాలో తాను కూడా ఒక చిన్న భాగం అయినందుకు చాలా సంతోషంగా ఉంది అంటూ నిహారిక చెప్తుతుంది. ఈ చిత్ర షూటింగ్ శరవేగంగా జరుగుతున్న సంగతి తెలిసిందే. బాలీవుడ్ సెన్సేషన్ అమిత్ త్రివేది ఈ సినిమాకు సంగీతాన్ని అందిస్తున్నారు. భారీ అంచనాల మధ్య ఈ సినిమాను ఆగస్టు 15వ తారీఖున విడుదల చేయాలని దర్శక నిర్మాతలు అనుకుంటున్నట్లు తెలుస్తోంది.