అల్లు హీరోతో రొమాన్స్ చేయబోతున్న నిధి అగర్వాల్

దర్శకుడు ప్రేమ్ సాయి నితిన్ హీరోగా నటించిన 'కొరియర్ బాయ్ కళ్యాణ్' అనే చిత్రంతో దర్శకుడిగా తెలుగు ప్రేక్షకులకు పరిచయం అయ్యాడు. కానీ మొదటి సినిమానే డిజాస్టర్ గా మారడంతో ఈ దర్శకుడికి పెద్దగా పేరు రాలేదు. తాజాగా ఈ దర్శకుడు ఇప్పుడు మెగా హీరో తో ఒక సినిమా చేయబోతున్నాడు. ఈ మధ్యనే 'ఏబిసిడి' అనే సినిమాతో ప్రేక్షకుల ముందుకు వచ్చిన అల్లు హీరో శిరీష్ తన తదుపరి సినిమా ప్రేమ్ సాయి దర్శకత్వంలో చేయబోతున్నాడట.

దాదాపు సంవత్సరకాలం పాటు దర్శకుడు ప్రేమ్ సాయి ఈ చిత్రం పై కసరత్తులు చేశాడని తెలుస్తోంది.ఈ సినిమాలో ఇప్పటికే హీరోయిన్ ని కూడా ఫైనలైజ్ చేశారు. 'సవ్యసాచి', 'మిస్టర్ మజ్ను' సినిమా లలో హీరోయిన్ గా నటించిన నిధి అగర్వాల్ ఈ సినిమాలో అల్లు శిరీష్ తో రొమాన్స్ చేయబోతుంది. అయితే ఈ చిత్రం కేవలం ప్రేమ్ సాయి కి మాత్రమే కాక అల్లు శిరీష్, నిధి అగర్వాల్ కి కూడా చాలా కీలకంగా మారబోతోంది. గీతా ఆర్ట్స్ వారు ఈ చిత్రాన్ని నిర్మిస్తున్నారు. ఈ సినిమా గురించిన మరిన్ని వివరాలు త్వరలో తెలియనున్నాయి. మరి ఈ సినిమా ఈ ముగ్గురికి ఎంతవరకు ఉపయోగపడుతుందో చూడాలి.