Nayanthara: సీక్వెల్ సినిమా సైన్ చేసిన నయనతార

Nayanthara: సార్ బ్యూటీ నయనతార ఇప్పుడు వరుసగా తెలుగు తమిళ సినిమాలతో బిజీగా ఉంది. తాజాగా ఈ భామ ఒక ప్రాజెక్టును సైన్ చేసి వార్తల్లో నిలిచింది. 1993లో విడుదలైన "జెంటిల్ మ్యాన్" సినిమా బ్లాక్ బస్టర్ గా నిలిచిన సంగతి తెలిసిందే. తాజాగా ఈ సినిమాకి సీక్వెల్ ను ప్రకటించారు నిర్మాత కుంజుమోన్ సూపర్ హిట్ సినిమాకి సీక్వెల్ కావడంతో ఈ సినిమాపై భారీ అంచనాలు నెలకొన్నాయి. అర్జున్ సర్జా హీరోగా విడుదలైన ఈ సినిమా అప్పట్లో బాక్సాఫీస్ వద్ద రికార్డులు వర్షం కురిపించింది.

ఇక తాజాగా జెంటిల్ మెన్ 2 కి సినిమాకి సంగీతాన్ని అందించడానికి ప్రముఖ మ్యూజిక్ డైరెక్టర్ ఎం.ఎం.కీరవాణి రంగంలోకి దింపారు దర్శకనిర్మాతలు. ఇక ఈ సినిమాలో హీరోయిన్ పాత్ర కోసం నయనతారను సంప్రదించగా ఈ స్టార్ బ్యూటీ కూడా వెంటనే ఓకే చెప్పిందని తెలుస్తోంది. అయితే ఈ సినిమాకి ఎవరు దర్శకత్వం వహించనున్నారు అనే విషయం పై ఇంకా క్లారిటీ రావాల్సి ఉంది. ఈ సినిమా గురించి అధికారిక ప్రకటన త్వరలోనే వెలువడనుంది. మరోవైపు నయనతార తెలుగులో చిరంజీవి హీరోగా నటిస్తున్న "గాడ్ ఫాదర్" సినిమాలో కూడా హీరోయిన్గా నటిస్తోంది.