logo

మన్మధుడు సీక్వెల్ పై అధికారిక ప్రకటన

మన్మధుడు సీక్వెల్ పై అధికారిక ప్రకటన
Highlights

గతేడాది 'దేవదాసు' సినిమాతో ప్రేక్షకుల ముందుకు వచ్చిన కింగ్ నాగార్జున ప్రస్తుతం 'మన్మధుడు 2' సినిమాతో బిజీగా...

గతేడాది 'దేవదాసు' సినిమాతో ప్రేక్షకుల ముందుకు వచ్చిన కింగ్ నాగార్జున ప్రస్తుతం 'మన్మధుడు 2' సినిమాతో బిజీగా ఉన్నారని వార్తలు బయటకు వచ్చాయి. ఈ మధ్యనే 'చిలసౌ' సినిమాతో దర్శకుడిగా మారిన రాహుల్ రవీంద్రన్ ఈ చిత్రానికి దర్శకత్వం వహిస్తున్నారని వార్తలు వింటూనే ఉన్నాం. తాజాగా ఈ చిత్రానికి సంబంధించిన అధికారిక ప్రకటన వెలువడింది. 'మన్మధుడు' సినిమాకు సీక్వెల్ గా ప్రేక్షకుల ముందుకు రానున్న ఈ చిత్రానికి 'మన్మధుడు 2' అనే టైటిల్ ను ఖరారు చేశారు. ఈ సినిమా ను ఇవాళ అధికారికంగా లాంచ్ చేశారు దర్శక నిర్మాతలు.

ఈ సినిమాలో నాగ్ సరసన రకుల్ ప్రీత్ సింగ్ మరియు పాయల్ రాజ్ పుత్ లు హీరోయిన్లుగా నటించనున్నారు. అక్కినేని నాగార్జున ఈ చిత్రాన్ని స్వయంగా అన్నపూర్ణ స్టూడియోస్ పతాకంపై నిర్మించనున్నారు. పాయల్ రాజ్ పుత్ హీరోయిన్ గా నటించిన మొదటి సినిమా 'ఆర్ ఎక్స్ 100' కు సంగీతం అందించిన చింతన్ భరద్వాజ్ ఈ సినిమాకు కూడా సంగీతాన్ని అందించనున్నారు. కె.విజయభాస్కర్ దర్శకత్వంలో 2002 లో విడుదలైన 'మన్మధుడు' సినిమా బ్లాక్బస్టర్ అయిన సంగతి తెలిసిందే. ఆ సినిమాకు సీక్వల్ కావడంతో 'మన్మధుడు 2' చిత్రంపై కూడా భారీ అంచనాలు నెలకొన్నాయి.

లైవ్ టీవి

Share it
Top