మజిలీ డబ్బింగ్ షురూ చేసిన చై

గత కొంతకాలంగా అక్కినేని హీరో నాగ చైతన్య వరుస ఫ్లాపులతో సతమతమవుతున్న సంగతి తెలిసిందే. ఈ మధ్యనే విడుదలైన 'సవ్యసాచి' ఫ్లాప్ అవ్వడంతో నాగచైతన్య మార్కెట్ బాగా పడిపోయింది. అయినప్పటికీ తన భార్య సమంతతో కలిసి నటిస్తున్న 'మజిలీ' సినిమాపై మంచి అంచనాలే ఉన్నాయి. శివ నిర్మాణ దర్శకత్వంలో తెరకెక్కనున్న ఈ చిత్రం ఏప్రిల్ లో విడుదల కానుంది. పెళ్లయిన తర్వాత సమంతా, నాగచైతన్య కలిసి నటిస్తున్న మొట్టమొదటి చిత్రం కావడంతో అక్కినేని అభిమానులు ఈ సినిమా చూసేందుకు బాగానే ఆసక్తి చూపుతున్నారు.

ఇప్పటికే ఈ చిత్రం షూటింగ్ పూర్తయిందని తెలుస్తోంది. ప్రస్తుతం నిర్మాణానంతర పనులు లతో చిత్రబృందం బిజీగా ఉంది. తాజా సమాచారం ప్రకారం నాగ చైతన్య తన పాత్రకు డబ్బింగ్ చెప్పటం మొదలు పెట్టారట. ఈ మధ్యనే విడుదలైన ఈ చిత్ర టీజర్ కి ప్రేక్షకుల నుంచి మంచి రెస్పాన్స్ ను అందుతోంది. ఈ సినిమాలో సమంత, నాగచైతన్య భార్యాభర్తల గా కనిపించనున్నారు. ఈ సినిమాలో దివ్యాంకా కౌశిక్ రెండో హీరోయిన్ పాత్రలో కనిపించనుంది. షైన్ స్క్రీన్స్ పతాకంపై సాహూ గారపాటి, హరీష్ పెద్ది నిర్మిస్తున్న ఈ చిత్రానికి గోపి సుందర్ సంగీతాన్ని అందిస్తున్నారు.