Lucifer: వెబ్ సిరీస్ లా రీమేక్ అవ్వబోతున్న "లూసిఫర్"

Lucifer: మలయాళం సూపర్ స్టార్ మోహన్ లాల్ హీరోగా నటించిన "లూసిఫర్" సినిమా బ్లాక్ బస్టర్ అయిన సంగతి తెలిసిందే. పృధ్వీ రాజ్ సుకుమారన్ ఈ సినిమాకి దర్శకత్వం వహించారు. నటుడిగా మంచి గుర్తింపు తెచ్చుకున్న పృథ్వీరాజ్ కు దర్శకుడిగా ఇది మొదటి సినిమానే. పృధ్వీ రాజ్ సుకుమారన్ ఈ సినిమాలో ఒక కీలక పాత్ర కూడా పోషించడం విశేషం. ఇప్పుడు ఈ సినిమా తెలుగులో కూడా రీమేక్ కాబోతోంది. మెగాస్టార్ చిరంజీవి ఈ సినిమాలో హీరోగా నటిస్తున్నారు. మోహన్ రాజు ఈ సినిమాకి దర్శకత్వం వహిస్తున్నారు.

అయితే తాజా సమాచారం ప్రకారం పృథ్వీరాజ్ సుకుమారన్ ఈ సినిమాను హిందీలో రీమేక్ చేయాలనుకుంటున్నారట. అయితే హిందీలో దీన్ని సినిమా లాగా కాకుండా ఒక వెబ్ సిరీస్ లాగా చిత్రీకరించాలని పృథ్వీరాజ్ ప్లాన్ చేస్తున్నారు. ఈ వెబ్ సిరీస్ లో 8 ఎపిసోడ్లు ఉండబోతున్నాయట. మరి ఈ వెబ్ సిరీస్ లో ఎవరు హీరోగా నటించనున్నారు అనే విషయం పై ఇంకా క్లారిటీ రావాల్సి ఉంది. మరోవైపు తెలుగులో రీమేక్ కాబోతున్న ఈ సినిమా మెగాస్టార్ చిరంజీవి "ఆచార్య" సినిమా షూటింగ్ కి సంబంధించిన పనులు ఇప్పటికే మొదలయ్యాయి.