Top
logo

తెలంగాణలో సినిమా చిత్రీకరణలకు అనుమతి..సీఎం కేసీఆర్ కు మెగాస్టార్ స్పెషల్ థాంక్స్

తెలంగాణలో సినిమా చిత్రీకరణలకు అనుమతి..సీఎం కేసీఆర్ కు మెగాస్టార్ స్పెషల్ థాంక్స్Megastar Chiranjeevi(File photo)
Highlights

సినీరంగ ప్రముఖులు తెలంగాణ సీఎం కేసీఆర్ తో ప్రగతి భవన్ లో సమావేశం ముగిసింది.

సినీరంగ ప్రముఖులు తెలంగాణ సీఎం కేసీఆర్ తో ప్రగతి భవన్ లో సమావేశం ముగిసింది. సినిమా షూటింగులు, రీ ప్రొడక్షన్ పునరుద్ధరణ, సినిమా థియేటర్ల పునఃప్రారంభం తదితర అంశాలపై చర్చించారు. సినిమా షూటింగులకు అనుమతి ఇవ్వాలని, సినిమా థియేటర్లు తెరిచే అవకాశం ఇవ్వాలని సినీ రంగ ప్రముఖులు ముఖ్యమంత్రికి విజ్ఞప్తి చేశారు. దీనికి కేసీఆర్ సానుకూలంగా స్పందించినట్లు తెలుస్తుంది. ఔట్ డోర్ షూటింగులు, థియేటర్స్ విషయంలో రాష్ట్రంలో కరోనా వ్యాప్తి తగ్గిన తర్వాతే నిర్ణయం తీసుకుంటామని చెప్పినట్లు తెలుస్తోంది.

ఈ సమావేశంలో సినిమాటోగ్రఫీ శాఖ మంత్రి తలసానిపై శ్రీనివాస యాదవ్, మంత్రిిివర్గ నిరంజన్ రెడ్డి, ప్రభుత్వ ప్రధాన కార్యదర్శి సోమేశ్ కుమార్, సినీ రంగ ప్రముఖులు చిరంజీవి, నాగార్జున, డి.సురేష్ బాబు, అల్లు అరవింద్, ఎన్.శంకర్, రాజమౌళి, దిల్ రాజు, త్రివిక్రమ్ శ్రీనివాస్, కిరణ్, రాధాకృష్ణ, కొరటాల శివ, సి.కల్యాణ్, మెహర్ రమేశ్, దాము తదితరులు పాల్గొన్నారు.

ఈ సంధర్భంగా సినిమా పరిశ్రమపై ఆధారపడి లక్షలాది మంది జీవిస్తున్నందున రీ ప్రొడక్షన్, షూటింగు నిర్వహణ, థియేటర్లలో ప్రదర్శనలను దశలవారీగా పునరుద్ధరించాల్సిన అవసరం ఉందని సిఎం అభిప్రాయపడ్డారు. తక్కువ మందితో, ఇండోర్ లో చేసే వీలున్న రీ ప్రొడక్షన్ పనులు మొదట ప్రారంభించుకోవాలని సిఎం చెప్పారు. తర్వాత దశలో జూన్ మాసంలో సినిమా షూటింగులు ప్రారంభించాలని చెప్పారు. చివరగా పరిస్థితిని బట్టి, సినిమా థియేటర్ల పునఃప్రారంభంపై నిర్ణయం తీసుకుంటామని వెల్లడించారు. సినీ పరిశ్రమ బతకాలని, అదే సందర్భంగా కరోనా వ్యాప్తి కూడా జరగవద్దని సీఎమ్ అన్నారు. లాక్ డౌన్ కారణంగా ఆగిపోయిన సినిమా , రీ ప్రొడక్షన్లను దశల వారీగా పునరుద్ధరిస్తామని ముఖ్యమంత్రి కె.చంద్రశేఖర్ రావు ప్రకటించారు.

అందుకోసం సినిమా షూటింగులను వీలైనంత తక్కువ మందితో లాక్ డౌన్ నిబంధనలు పాటిస్తూ, కరోనా వ్యాప్తి నివారణకు అనుసరిస్తున్న మార్గదర్శకాల ప్రకారం నిర్వహించుకోవాలని చెప్పారు. ఎంత మందితో షూటింగులు నిర్వహించుకోవాలి? ఎలాంటి జాగ్రత్తలు తీసుకోవాలి? తదితర అంశాలపై సినిమాటోగ్రఫీ శాఖ మంత్రి, ప్రభుత్వ ప్రధాన కార్యదర్శితో సమావేశమై చర్చించాలని సినీ రంగ ప్రముఖులను ముఖ్యమంత్రి కోరారు.

ఆ తర్వాత ప్రభుత్వం ఖచ్చితమైన మార్గదర్శకాలు రూపొందించి, షూటింగులకు అనుమతి ఇస్తుందని సిఎం వెల్లడించారు. కొద్ది రోజులు షూటింగులు నడిచిన తర్వాత, అప్పటికే పరిస్థితిపై కొంత అంచనా వస్తుంది కాబట్టి, సినిమా థియేటర్లు ఓపెన్ చేసే విషయంపై నిర్ణయం తీసుకుంటామని సీఎం చెప్పినట్లు తెలుస్తోంది. దీనిపై చిరంజీవి ట్విట్టర్ లో స్పందించారు. తెలంగాణ సీఎం కేసీఆర్ కు తెలుగు చిత్ర పరిశ్రమలోని ప్రతి ఒక్కరి తరఫున కృతజ్ఞతలు తెలుపుకుంటున్నట్టు వెల్లడించారు.





Web TitleMegastar Chiranjeevi thanked Telangana CM KCR for Telugu Cinema Shootings to Start in June after Lockdown
Next Story