Agent Movie - Mammootty: హంగేరిలో అఖిల్ సినిమా సెట్ లో మమ్ముట్టి

Mammootty - Akhil: అక్కినేని వారసుడిగా ఇండస్ట్రీ లో అడుగుపెట్టినప్పటి నుంచి అక్కినేని అఖిల్ ఒక్క హిట్ కోసం ఆసక్తిగా ఎదురు చూస్తున్న సంగతి తెలిసిందే. వరుసగా మూడు డిజాస్టర్ ల తర్వాత మధ్యనే "మోస్ట్ ఎలిజిబుల్ బ్యాచిలర్" తో పర్వాలేదు అనిపించాడు అఖిల్. ప్రస్తుతం అందరి దృష్టి అఖిల్ తదుపరి సినిమా అయిన "ఏజెంట్" పైనే ఉంది. "సై రా నరసింహారెడ్డి" ఫేమ్ సురేందర్ రెడ్డి ఈ సినిమాకి దర్శకత్వం వహిస్తున్నారు. ఇప్పటికే విడుదలైన ఆ చిత్ర పోస్టర్ లో తన సిక్స్ ప్యాక్ తో అందరి దృష్టిని ఆకట్టుకున్నాడు అఖిల్. మలయాళం సూపర్ స్టార్ మమ్ముట్టి ఈ సినిమాలో ముఖ్య పాత్ర పోషించనున్నారు.

ఇప్పటికే తెలుగులో వైయస్ రాజశేఖర్ రెడ్డి బయోపిక్ గా విడుదలైన "యాత్ర" సినిమాతో తెలుగు ప్రేక్షకులను పలకరించిన మమ్ముట్టి నటన ఈ సినిమాకి హైలైట్ గా ఉంటుందని సమాచారం. ప్రస్తుతం ఈ సినిమా షూటింగ్ కి సంబంధించిన షెడ్యూల్ హంగేరి లో జరగనుంది ఈ షెడ్యూల్లో కూడా పాల్గొనబోతున్నారు మమ్ముట్టి.

పది రోజులపాటు జరగనున్న ఈ షూటింగ్ షెడ్యూల్ లో మమ్ముట్టి మరియు అఖిల్ మధ్య కొన్ని కీలక సన్నివేశాల చిత్రీకరణ జరుగుతుంది. సాక్షి వైద్య హీరోయిన్ గా నటిస్తున్న ఈ సినిమాని ఏకే ఎంటర్టైన్మెంట్స్ పతాకంపై రామబ్రహ్మం సుంకర నిర్మిస్తున్నారు. హిప్ హాప్ తమీజ ఈ సినిమాకి సంగీతాన్ని అందిస్తున్నారు.