OTT Movie: బాలుడు రాసే మర్డర్ స్టోరీలు రియల్ కావడంతో తలపట్టుకునే పోలీసులు.. ట్విస్ట్ లతో అదరగొట్టే క్రైమ్ థ్రిల్లర్..!

Malayalam Suspense Thriller Nizhal Streaming on Aha A Gripping Mystery Unfolds

OTT Movie: మలయాళం చిత్ర పరిశ్రమలో ఇన్వెస్టిగేటివ్ మిస్టరీ థ్రిల్లర్ చిత్రాలు ప్రస్తుతం అత్యధికంగా టాప్ ప్లేస్ లో ట్రెండ్ అవుతున్నాయి. ఇటీవల వచ్చిన ‘కిష్కింద కాండం’, ‘పని’ చిత్రాలు బ్లాక్ బస్టర్ హిట్స్ గా నిలిచాయి. ఈ తరహాలో ఒక పరికరమైన సస్పెన్స్ థ్రిల్లర్ చిత్రం ఇప్పుడు ఓటిటి ప్లాట్ ఫామ్‌లో స్ట్రీమింగ్ అవుతుంది. ఆ చిత్రం పేరు ‘నిజల్’ (Nizhal), ఇది 2021లో విడుదలైన మలయాళం మిస్టరీ థ్రిల్లర్ మూవీ. ఈ చిత్రం ప్రస్తుతం ఆహా (Aha) ఓటిటి ప్లాట్ ఫామ్ లో స్ట్రీమింగ్ అవుతోంది. ఈ సినిమా జాతీయ స్థాయిలో మంచి ప్రశంసలు పొందింది. ఇది ఇప్పుడు తెలుగు ప్రేక్షకులకు కూడా అందుబాటులోకి వచ్చింది.

సినిమా కథ:

‘నిజల్’ చిత్ర కథ జాన్ అనే ప్రధాన పాత్ర చుట్టూ తిరుగుతుంది. జాన్ ఒక కారు ప్రమాదంలో హాస్పిటల్ లో చేరుతాడు. ఆ ప్రమాదం తరువాత అతనికి వర్షం పడుతున్నట్లు అనిపిస్తుంది. జాన్ ఈ పరిస్థితి గురించి ఒక సైకాలజిస్ట్ వద్ద సలహా తీసుకోటానికి వెళ్ళడం ప్రారంభిస్తాడు. సైకాలజిస్ట్ అతనికి గాయాల కారణంగా అలా అనిపిస్తుందని.. కొన్ని రోజులు రెస్ట్ తీసుకుంటే నయం అవుతుందని చెబుతాడు. ఆ తరువాత, జాన్ తన ఫ్రెండ్ రాజన్ దగ్గరకి వెళ్ళి, ఆయన భార్య అయిన సైకాలజిస్ట్ తో తన ఆరోగ్యంపై మాట్లాడుతాడు. ఈ సమయం లో కొందరు చిన్న పిల్లలు చెప్పిన ఫన్నీ స్టోరీలు వింటారు. ఓ పిల్లవాడు మాత్రం మర్డర్ స్టోరీ రాశాడని చెబుతుంది. అది మలయాళంలో ఉంటుంది. ఆ పిల్లవాడికి మలయాళం వచ్చే అవకాశం లేకపోవడంతో జాన్ ఆ పిల్లవాడు చెప్పిన చోటుకు వెళ్ళి పోలీసుల సహాయంతో పరిశీలిస్తాడు. అక్కడ ఓ అస్తిపంజరాన్ని చూస్తారు.

ఈ సమయంలో చిన్న పిల్లవాడు చెప్పిన మరొక కథ కూడా నిజమవుతుంది. జాన్ ఆ పిల్లవాడి చెప్పిన స్టోరీలు నిజం అవుతాయని తెలుసుకుంటాడు. ఈ క్రమంలో జాన్ ఆ పిల్లవాడి తల్లి అయిన షర్మిల అనే మహిళతో సహాయం తీసుకుంటాడు. అలా ఉండగా ఓ రోజు షర్మిల ఇంట్లో ఏదైనా క్లూ దొరుకుతుందని వెతుకుతూ ఉంటాడు. నిద్రలో అతని తల్లి షర్మిల కలవరిస్తూ కథ చెబుతుంది. ఆ కథను చిన్న పిల్లవాడు వింటాడు. ఇది తెలుసుకున్న జాన్ ఆశ్చర్యపోతాడు. ఆమె గతాన్ని తెలుసుకోవాలని అనుకుంటాడు. షర్మిల భర్త కూడా ఒక ప్రమాదంలో చనిపోయి ఉంటాడు. ఈ క్రమంలోనే ఇన్వెస్టిగేషన్ చేస్తుంటారు. ఈ ఇన్వెస్టిగేషన్లో జాన్ దిమ్మతిరిగే విషయాలు వెలుగులోకి తీసుకొస్తాడు. షర్మిలకి, ఆ హత్యలకి సంబంధం ఉందా? జాన్ వెలుగులోకి తెచ్చే విషయాలు ఏమిటి? అనేది తెలుసుకోవాలంటే సినిమా చూడాల్సిందే. ఈ చిత్రంలో చాకో బోబన్న, నయనతార నటించారు. అప్పు ఎన్ భట్టతిరి ఈ సినిమాకు దర్శకత్వం వహించారు. ‘నిజల్’ చిత్రం ఆహా (Aha) ఓటిటి ప్లాట్ ఫామ్ లో అందుబాటులో ఉంది.