logo

జోరందుకున్న 'మజిలీ' ప్రీ రిలీజ్ బిజినెస్

జోరందుకున్న

'ఏ మాయ చేసావే', 'మనం', 'ఆటోనగర్ సూర్య' సినిమాలో ఇప్పటికే కలిసి నటించిన నాగచైతన్య సమంత పెళ్లి అయిన తర్వాత మొట్టమొదటి సారిగా మళ్లీ తెలుగు తెరపై కనిపించనున్నారు. ఈ సినిమాపై భారీ అంచనాలు ఉన్న సంగతి తెలిసిందే. ఇప్పటికే విడుదలైన ఈ చిత్ర టీజర్ ప్రేక్షకుల నుంచి మంచి రెస్పాన్స్ అందుకుంటోంది. ఈ సినిమా కచ్చితంగా హిట్ అవుతుందని అక్కినేని అభిమానులు ఆశిస్తున్నారు. దానికి తగ్గట్టుగానే సినిమా ప్రీ రిలీజ్ బిజినెస్ కూడా జోరుగా సాగుతోంది. పాప్యులర్ ఎంటర్టైన్మెంట్ ఛానల్ జెమినీ టీవీ ఈ చిత్ర టెలివిషన్ రైట్స్ కోట్లు పెట్టి కొన్నట్లు తెలుస్తోంది.

ఇక ఈ చిత్ర డిజిటల్ రైట్స్ ను అమెజాన్ ప్రైమ్ వీడియో 3.5 కోట్లకు సొంతం చేసుకుంది. అంతేకాక ఈ మధ్య కాలంలో తెలుగు సినిమాలు హిందీ డబ్బింగ్ రైట్స్ తో బాగానే సంపాదిస్తున్న సంగతి తెలిసిందే. 'మజిలీ' సినిమా కూడా హిందీ డబ్బింగ్ రైట్స్ తో 4 కోట్ల ను సొంతం చేసుకుంది. మొత్తంగా కలిపి ఇప్పటికీ నిర్మాతలు ఈ సినిమా ప్రీ రిలీజ్ బిజినెస్ తో 12.5 కోట్లను సంపాదించారు. ఇక ప్రీ రిలీజ్ బిజినెస్ తోనే ఇంత సంపాదించిన ఈ సినిమా విడుదలైన తరువాత రికార్డులను బ్రేక్ చేస్తుంది అని ట్రేడ్ వర్గాలు విశ్లేషిస్తున్నాయి. 'నిన్ను కోరి' ఫేమ్ శివ నిర్మాణ ఈ సినిమాకు దర్శకత్వం వహిస్తున్నారు. షైన్ స్క్రీన్స్ నిర్మిస్తున్న ఈ సినిమా ఏప్రిల్ 5వ తారీఖున విడుదల కానుంది.

లైవ్ టీవి

Share it
Top