logo

సుక్కు తో సినిమా చేయట్లేదు అంటున్న స్టార్ హీరో

సుక్కు తో సినిమా చేయట్లేదు అంటున్న స్టార్ హీరో

ఈ మధ్యనే 'భరత్ అనే నేను' సినిమా తో బ్లాక్ బస్టర్ అందుకున్న టాలీవుడ్ సూపర్ స్టార్ మహేష్ బాబు ప్రస్తుతం వంశీ పైడిపల్లి దర్శకత్వంలో నటిస్తున్న సంగతి తెలిసిందే. ఈ సినిమా పూర్తయిన తర్వాత మహేష్ ఈ మధ్యనే 'రంగస్థలం' తో బ్లాక్ బస్టర్ అందుకున్న దర్శకుడు సుకుమార్ తో చేయనున్న సంగతి తెలిసిందే. అయితే గత కొంత కాలంగా సుకుమార్ చెప్పిన స్క్రిప్టు నచ్చకపోవడంతో మహేష్ అందులో కొన్ని మార్పులు చెబుతున్నాడని సుక్కు అవి చేసే పనిలో బిజీ అయ్యాడని పుకార్లు బయటకు వచ్చాయి. ఇదంతా ఒకెత్తయితే సుకుమార్ తర్వాత సినిమా స్టైలిష్ స్టార్ అల్లు అర్జున్ తో చేయనున్నాడు అనే అని నిన్న వచ్చిన అధికారిక ప్రకటన మరొక ఎత్తు.

అయితే తాజాగా మహేష్ బాబు స్వయంగా ఫేస్బుక్ ద్వారా సుకుమార్ తో సినిమా చేయట్లేదని వెల్లడించాడు. "కొన్ని క్రియేటివ్ డిఫరెన్సెస్ వలన సుకుమార్, నేను సినిమా సినిమా చేయటం లేదు. తన కొత్త సినిమా కోసం ఆల్ ద బెస్ట్. ఒక దర్శకుడిగా ఆయన ఎక్సలెన్స్ ను నేను ఎప్పుడూ గౌరవిస్తాను. 'వన్ నేనొక్కడినే' సినిమా నా కెరీర్ లో కల్ట్ క్లాసిక్ గా మిగిలిపోతుంది. ఆ సినిమా కోసం పనిచేస్తున్న ప్రతి క్షణం నేను చాలా ఎంజాయ్ చేశాను. మీ తదుపరి ప్రాజెక్టు కోసం ఆల్ ది బెస్ట్ సర్" అని పోస్ట్ చేశాడు మహేష్ బాబు. ఇక 'మహర్షి' సినిమా తరువాత మహేష్ బాబు తదుపరి సినిమా అనిల్ రావిపూడి తో చేసే అవకాశాలు కనిపిస్తున్నాయి.

లైవ్ టీవి

Share it
Top