logo

'మహర్షి' గురించి అప్డేట్ ఇచ్చిన డీఎస్పీ

టాలీవుడ్ సూపర్ స్టార్ మహేష్ బాబు కెరీర్ లో 25వ చిత్రం తెరకెక్కనున్న 'మహర్షి' సినిమా పై భారీ అంచనాలు ఉన్న సంగతి తెలిసిందే. వంశీ పైడిపల్లి దర్శకత్వం లో మే 9 న ప్రేక్షకుల ముందుకు రానున్న ఈ సినిమా లో పూజా హెగ్డే హీరోయిన్ గా నటించింది. గత కొంత కాలంగా ఈ సినిమా అప్డేట్ ల కోసం మహేష్ ఫ్యాన్స్ కళ్ళు కాయలు కాచేలా ఎదురుచూస్తున్నారు అనే సంగతి తెలిసిందే. తాజాగా ఈ సినిమాకి సంగీతాన్ని అందిస్తున్న దేవి శ్రీ ప్రసాద్ ఈ సినిమా ప్రమోషన్స్ లో భాగంగా ఈ చిత్రంలోని మొదటి పాట ఏప్పుడు విడుదల కాబోతుంది అనే తేదీని రివీల్ చేశారు.

"మహర్షి అప్డేట్ల కోసం ఎదురుచూస్తున్న అందరికీ.. మహర్షి సినిమాలో మొదటి పాట 29 మార్చి విడుదల కాబోతోంది. ఈ లోపు నేను ఇద్దరూ క్యూట్ మహర్షిని లు నాకు డాన్స్ నేర్పుతున్న వీడియో చూసి ఆనందించండి" అంటూ ఒక వీడియోను షేర్ చేశాడు డి.ఎస్.పి. ఆ వీడియోలో మైక్ పట్టుకొని దేవి శ్రీ ప్రసాద్ 'చారుశీల.. స్వప్నబాల..' పాట పాడుతుండగా ఒక పక్క మహేష్ బాబు కూతురు సితార మరొకవైపు దర్శకుడు వంశీ పైడిపల్లి కూతురు ఆద్య డాన్స్ చేస్తూ కనిపించారు. ఈ వీడియో ఇప్పుడు సోషల్ మీడియాలో వైరల్ గా మారుతోంది.

లైవ్ టీవి

Share it
Top