మహేష్ అభిమానులకు శుభవార్త

ప్రస్తుతం టాలీవుడ్ సూపర్ స్టార్ మహేష్ బాబు ఫ్యాన్స్ అందరు ఆసక్తిగా ఎదురు చూస్తున్న సినిమా 'మహర్షి'. మహేష్ బాబు కెరీర్ లో 25 వ చిత్రం గా వంశీ పైడిపల్లి దర్శకత్వంలో తెరకెక్కనున్న ఈ సినిమా పై భారీ అంచనాలున్నాయి. ఈ సినిమా ఏప్రిల్ 25 వ తారీఖున విడుదల కావాల్సింది. కానీ షూటింగ్ ఆలస్యం అవడం వల్ల ఈ సినిమాను మే9 వ తారీకు కి వాయిదా వేశారు. అయితే తాజా సమాచారం ప్రకారం మహేష్ బాబు అభిమానులకు ఒక శుభవార్త వినిపిస్తోంది. 'మహర్షి' సినిమా షూటింగ్ పూర్తయ్యింది. తాజాగా ఈ సినిమాకు గుమ్మడికాయ కొట్టేశారు.

మహేష్ భార్య మరియు ఒకప్పటి నటి నమ్రతా ఈ విషయాన్ని సోషల్ మీడియా ద్వారా తెలియజేశారు. "సినిమా షూటింగ్ పూర్తయింది. మహర్షి టీం తో, ఫ్రెండ్స్ తో ఫన్నీగా క్విక్ గా చెన్నైలో జరిగిన షెడ్యూల్ ముగిసింది. #ఆన్లొకేషన్ #మహర్షి" అంటూ కొన్ని ఫోటోలను కూడా షేర్ చేశారు నమ్రత. ఈ ఫోటోలలో మహేష్ బాబు, నమ్రత, పిల్లలు గౌతమ్, సితార, మహేష్ క్లోజ్ ఫ్రెండ్ అగస్టీన్ జేవియర్ కుటుంబ సభ్యులు, దర్శకుడు వంశీ పైడిపల్లి, సంగీత దర్శకుడు దేవీ శ్రీ ప్రసాద్, సినిమాటోగ్రాఫర్ కేయూ మోహనన్ లు చిరునవ్వులు చిందిస్తూ పోజులిచ్చారు.