logo

'స్పైడర్' తరువాత ఫ్లాపైన 'మహర్షి'

Highlights

టాలీవుడ్ సూపర్ స్టార్ మహేష్ బాబు కెరీర్ లో 25వ చిత్రంగా 'మహర్షి' సినిమా మే 9న ప్రేక్షకుల ముందుకు వచ్చింది....

టాలీవుడ్ సూపర్ స్టార్ మహేష్ బాబు కెరీర్ లో 25వ చిత్రంగా 'మహర్షి' సినిమా మే 9న ప్రేక్షకుల ముందుకు వచ్చింది. వంశీ పైడిపల్లి దర్శకత్వం వహించిన ఈ సినిమా లో పూజ హెగ్డే హీరోయిన్ గా నటించింది. భారీ అంచనాల మధ్య విడుదలైనప్పటికీ ఈ చిత్రం ప్రేక్షకుల నుండి మిక్స్డ్ రెస్పాన్స్ అందుకుంది. విడుదలైన మొదటి రోజే పెద్దగా ప్రభావం చూపలేకపోయిన 'మహర్షి' సినిమా ఓవర్సీస్ బాక్సాఫీస్ వద్ద రెండవ వారం లో కనిష్ట వసూళ్లు నమోదు చేసుకుంది.

ఇక ఈ సినిమా బయర్లకు నష్టాలు మాత్రమే తీసుకురావచ్చని ట్రేడ్ వర్గాలు కూడా విశ్లేషిస్తున్నాయి.మొదటి వారాంతంలో లో 1.5 మిలియన్ డాలర్లను చేరుకున్న ఈ సినిమా రెండవ వారానికి వచ్చేసరికి కేవలం 168 కె డాలర్లు మాత్రమే వసూలు చేయగలిగింది. ఇక ఈ సినిమా 2 మిలియన్ డాలర్ల మార్కు చేరే అవకాశం లేదని ట్రేడ్ వర్గాలు సైతం కొట్టిపారేస్తున్నారు. 'స్పైడర్' తరువాత మహేష్ కెరియర్ లో అతి పెద్ద డిజాస్టర్ గా ఈ చిత్రం మారబోతోంది. మరోవైపు తెలుగు రాష్ట్రాల్లో ఈ చిత్రం బాగానే వసూలు చేస్తోంది. మంచి థియేటర్ ఆక్యుపెన్సీ ని నమోదు చేసుకుంటూ తెలుగు రాష్ట్రాల్లో 'మహర్షి' సినిమా బాగానే జోరు చూపిస్తోంది.


లైవ్ టీవి


Share it
Top