కలెక్షన్ల పరంగా పర్వాలేదనిపిస్తున్న 'లక్ష్మీస్ ఎన్టీఆర్'

విడుదలకు ముందే బోలెడు వివాదాల్లో చిక్కుకున్న 'లక్ష్మీస్ ఎన్టీఆర్' సినిమా ఎట్టకేలకు మార్చి 29న విడుదలైన సంగతి తెలిసిందే. ఎన్టీఆర్ బయోపిక్ గా రాంగోపాల్ వర్మ దర్శకత్వంలో ప్రేక్షకుల ముందుకు వచ్చిన ఈ సినిమా కు ప్రేక్షకుల నుంచి మంచి రెస్పాన్స్ అందుతోంది. ఇక కలెక్షన్ల పరంగా ఈ సినిమా తెలంగాణ మరియు ఓవర్సీస్ లో సైతం మంచి కలెక్షన్లను అందుకుంటోంది. తాజా సమాచారం ప్రకారం ఈ చిత్రం కేవలం నైజాం ఏరియాలో మాత్రమే 1.8 కోట్లను వసూలు చేసిందని తెలుస్తోంది.

గత కొంతకాలంగా రాంగోపాల్ వర్మ సినిమాలని డిజాస్టర్లుగా మారుతున్న సంగతి తెలిసిందే. ఈ సందర్భంలో వచ్చిన 'లక్ష్మీస్ ఎన్టీఆర్' కలెక్షన్లు బాగానే ఉన్నాయి. అయితే ఈ చిత్రం ఇంకా ఆంధ్రప్రదేశ్ లో విడుదల కావాల్సిన సంగతి తెలిసిందే. అక్కడ కూడా విడుదల అయితే కలెక్షన్లు మరింత పెరిగే అవకాశాలు ఉన్నాయని ట్రేడ్ వర్గాల అంచనా. వర్మ మార్కెట్ టి పోలిస్తే ఈ సినిమా కలెక్షన్లు భారీగానే ఉన్నట్లు తెలుస్తోంది. రామ్ గోపాల్ వర్మ, అగస్త్య మంజు సంయుక్తంగా దర్శకత్వం వహించిన ఈ చిత్రాన్ని దీప్తి బాలగిరి, రాకేష్ రెడ్డి సంయుక్తంగా నిర్మించారు.