logo

రెమ్యునరేషన్ పెంచేసిన మహేష్ బాబు హీరోయిన్

రెమ్యునరేషన్ పెంచేసిన మహేష్ బాబు హీరోయిన్
Highlights

బాలీవుడ్ బ్యూటీ కృతి సనన్ మహేష్ బాబు సరసన 'వన్ నేనొక్కడినే' అనే చిత్రంలో నటించి టాలీవుడ్ లో అడుగు పెట్టింది....

బాలీవుడ్ బ్యూటీ కృతి సనన్ మహేష్ బాబు సరసన 'వన్ నేనొక్కడినే' అనే చిత్రంలో నటించి టాలీవుడ్ లో అడుగు పెట్టింది. సుకుమార్ దర్శకత్వంలో తెరకెక్కిన ఈ చిత్రం ప్రేక్షకులను మెప్పించలేకపోయింది. మొదటి సినిమా డిజాస్టర్ అయినప్పటికీ నాగ చైతన్య తో రెండవ సినిమా అవకాశం దక్కించుకున్న కృతిసనన్ 'దోచేయ్' సినిమాలో హీరోయిన్ గా నటించింది. కానీ ఆ సినిమా కూడా ఫ్లాప్ అవడంతో ఆమె రూటు మార్చి బాలీవుడ్ కి వెళ్ళిపోయింది. కొన్ని అడపాదడపా సినిమాలు చేసిన తర్వాత ఈ మధ్యనే కార్తిక్ ఆర్యన్ తో 'లుకా చుప్పి' అనే సినిమాలో కనిపించింది.

రొమాంటిక్ కామెడీ ఎంటర్టైనర్గా తెరకెక్కిన ఈ చిత్రం ఈ చిత్రానికి ప్రేక్షకుల నుంచి మంచి రెస్పాన్స్ అందుతోంది. ఈ సినిమా ఏకంగా 90 కోట్ల మార్కును రీచ్ అయింది. కృతి కి ఎప్పటి నుంచో ఆసక్తిగా ఎదురు చూస్తున్న ఒక సూపర్ హిట్ ను అందించింది ఈ సినిమా. తాజా సమాచారం ప్రకారం ఈ సినిమా హిట్ అవడంతో ఈమె వెంటనే తన రెమ్యునరేషన్ని బాగా పెంచింది అని తెలుస్తోంది. ఇప్పటినుండి సినిమాకు ఒకటి లేదా ఒకటిన్నర కోటి రూపాయలు డిమాండ్ చేస్తుందట. ఈమె అందం, టాలెంట్ రెండూ ఎక్కువే కాబట్టి నిర్మాతలు కూడా ఏ మాత్రం ఆలోచించకుండా అడిగినంత ఇచ్చి ఆమెను తీసుకోవడం మొదలు పెట్టారని టాక్.


లైవ్ టీవి


Share it
Top