NTR30: ఎన్టీఆర్‌ 30 స్క్రిప్ట్ సిద్ధం చేసే పనిలో కొరటాల

NTR30: కరోనా వైరస్ సెంకండ్ వేవ్‌తో చాలా సినిమాలు ఆగిపోయిన సంగతి తెలిసిందే. దానిలో కొరటాల డైరెక్షన్‌లో మెగాస్టార్ చిరంజీవి నటించబోయే 'ఆచార్య' సినిమా కూడా నిలిచిపోయింది.

కానీ, కొరటాల తన సమయాన్ని వృథా చేయకుండా, ఎన్టీఆర్ తో తన తదుపరి చిత్రానికి స్క్రిప్ట్ సిద్ధం చేసే పనిలో బిజీగా ఉన్నాడు. కొరటాల శివ దగ్గర చాలా కథలు రెడీగా ఉన్నాయంట. అయితే, వాటిలో ఒకదాన్ని ఎన్టీఆర్‌కు వివరించాడంట. ప్రస్తుతం కొరటాల శివ ఆ సినిమాకు సంబంధించి బౌండెడ్ లిపిని సిద్ధం చేయబోతున్నాడంట. దానిని త్వరలోనే ఎన్టీఆర్ కి వివరిస్తాడని టాక్ వినిపిప్తోంది. కానీ, ముందే ప్రకటించినట్లుగా ఈ చిత్రం జూన్‌లో ప్రారంభించకపోవచ్చు. షూటింగ్‌ మాత్రం ఆగస్టులో ప్రారంభమవుతుందని తెలియవస్తోంది. బ్లాక్ బస్టర్ గా మారిన 'జనతా గ్యారేజ్' సినిమా కోసం ఎన్టీఆర్, కొరటాల శివ ఇప్పటికే కలిసి పనిచేశారు. ఇప్పుడు, వెండితెరపై క్రేజీ కాంబినేషన్‌ను మరలా చూసేందుకు ఫాన్స్ ఎంతో ఉత్సాహంగా ఉన్నారు.

ప్రస్తుతం 'ఆర్‌ఆర్‌ఆర్'తో బిజీగా ఉన్న ఎన్‌టీఆర్ తన తదుపరి ప్రాజెక్ట్ కోసం త్రివిక్రమ్‌తో చేతులు కలపాలని అనుకున్నారు. కానీ ఈ ప్రాజెక్ట్ ఆగిపోయింది. ఎన్.టి.ఆర్ తన తదుపరి సినిమా కోసం కోరటాల శివతో ముందుకు వెళ్ళబోతున్న సంగతి తెలిసిందే.